Para os efectos previstos na Lei 54/1997, do 27 de novembro (BOE nº 285), do sector eléctrico, e no título VII do Real decreto 1955/2000, do 1 de decembro (BOE nº 310), polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica, sométese a información pública a petición de autorización administrativa e a aprobación do proxecto de execución da instalación eléctrica que se cita:
Solicitante: Unión Fenosa Distribución, S.A.
Domicilio social: avda. de Arteixo, 171, 15007 A Coruña.
Denominación: L.M.T.S. e C.T.C. en urbanización As Brañas.
Situación: Sada.
Características técnicas: modificado do proxecto da liña eléctrica subterránea de media tensión a 15/20 kV, de 1.218 m de lonxitude, en condutor R.H.V. de 240 mm Al, que parte da L.M.T.S. existente entre os CC.TT. Linares Rivas e Laguna, pasando polos centros de transformación prefabricados da urbanización As Brañas, os nº 1, 2, 3, de 630 kVA, e os nº 4, 5, de 250 kVA, e final na mesma liña. Concello de Sada.
Todas aquelas persoas ou entidades que se consideren afectadas poderán examinar o expediente e presentar as súas alegacións nesta delegación provincial, sita no edificio administrativo de Monelos, s/n, 15071 A Coruña, no prazo de vinte días, a partir da última publicación.
A Coruña, 20 de febreiro de 2004.
Jesús Espada Martínez
Delegado provincial da Coruña