A Consellería da Presidencia, Relacións Institucionais e Administración Pública, por proposta da Secretaría Xeral para as Relacións cos Medios Informativos, convoca o seguinte concurso público aberto, conforme o disposto na Lei de contratos das administracións públicas e demais lexislación concordante.

Obxecto do contrato:

O obxecto da contratación é a subministración dunha fotocopiadora/impresora, tres cámaras dixitais e sete ordenadores persoais para esta secretaría xeral.

A adxudicación da subministración obxecto deste contrato farase en 3 lotes, podendo ser adxudicados

individualmente a empresas distintas. O orzamento máximo de licitación para cada lote será o seguinte:

-Lote 1: 1 impresora-fotocopiadora: 20.000 euros.

-Lote 2: 3 cámaras dixitais: 15.000 euros.

-Lote 3: 7 ordenadores persoais: 6.600 euros.

Garantías:

-Provisional: 2% do orzamento de licitación de cada lote.

-Definitiva: 4% do orzamento de adxudicación de cada lote.

-Clasificación e categoría: non se exixe.

Presentación de ofertas:

a) Prazo: comezará o día seguinte ao da data de publicación desta resolución e rematará ás 14.00 horas do décimo quinto día natural seguinte ó da publicación no Diario Oficial de Galicia. No caso de que o dito día coincida en día inhábil, o prazo de presentación rematará ás 14.00 horas do día seguinte hábil.

b) Documentación que hai que presentar: os licitadores presentarán as súas ofertas en dous sobres pechados (A e B) e irán xunto cos documentos previstos no prego de cláusulas administrativas particulares.

c) Lugar de presentación: a documentación que hai que presentar entregarase no rexistro xeral da

Xunta de Galicia ou no da Secretaría Xeral para as Relacións cos Medios Informativos (San Caetano, Santiago de Compostela), ou por calquera dos medios admitidos polo artigo 100 do Regulamento xeral de contratación do Estado, segundo o Real decreto 1528/1986, do 28 de novembro.

d) Modelo de proposición: a proposición económica formalizarase conforme o modelo que se xunta como anexo II (modelo de proposición) do prego de cláusulas administrativas particulares.

Apertura de proposicións:

Será realizada pola mesa de contratación na sala desta secretaría xeral, sita na Consellería da Presidencia, Relacións Institucionais e Administración Pública, ás 13.00 horas do décimo primeiro día hábil seguinte ao do peche do prazo de admisión de ofertas. No caso de que o dito día coincida en sábado ou festivo, a apertura das proposicións terá lugar o día hábil seguinte.

Os documentos de interese para os licitadores, tanto o prego de cláusulas administrativas particulares como o de prescricións técnicas e demais documentación complementaria, estarán á disposición dos licitadores, para o seu exame, durante o prazo de presentación de proposicións nos días e horas hábiles de oficina, nas dependencias da Secretaría Xeral para as Relacións cos Medios Informativos, sita nas dependencias do Pazo de Raxoi ou no edificio administrativo de San Caetano. Teléfono de aclaracións: 981 54 12 05, ou a través do seguinte enderezo da Internet: http:www.xunta.es/contratación/resultado:jsp? N=3649.

Anuncios:

O custo do anuncio deste concurso público será por conta do adxudicatario ou adxudicatarios do contrato.

Santiago de Compostela, 22 de marzo 2004.

Alfonso Cabaleiro Durán

Secretario xeral para as Relacións

cos Medios Informativos

CONSELLERÍA DE POLÍTICA TERRITORIAL, OBRAS PÚBLICAS

E VIVENDA