Polo Real decreto 366/2004, do 5 de marzo, traspásanse da Administración do Estado á Comunidade Autónoma de Galicia os medios adscritos á xestión encomendada en materia de agricultura (FEGA), traspasados á Comunidade Autónoma de Galicia polo Real decreto 1790/1996, do 19 de xullo.
Procede, en virtude do citado traspaso, asumir de forma expresa tales medios nos termos e condicións especificados no acordo da Comisión Mixta de Transferencias e asignalos aos órganos correspondentes da Administración autonómica galega.
Na súa virtude, por proposta do conselleiro da Presidencia, Relacións Institucionais e Administración Pública e logo de deliberación do Consello da Xunta de Galicia na súa reunión do día vinte e cinco de marzo de dous mil catro,
DISPOÑO:
Artigo 1º
Quedan asumidos os medios traspasados pola Administración do Estado á Comunidade Autónoma
de Galicia en virtude do Real decreto 366/2004, do 5 de marzo, polo que se amplían os medios adscritos á xestión encomendada en materia de agricultura (FEGA), traspasados á Comunidade Autónoma de Galicia polo Real decreto 1790/1996, do 19 de xullo, nos termos e condicións especificados no acordo da Comisión Mixta de Transferencias publicado como anexo ao dito real decreto.
Artigo 2º
Asígnanselle ó Fondo Galego de Garantía Agraria, organismo autónomo adscrito á Consellería de Política Agroalimentaria e Desenvolvemento Rural os medios asumidos de conformidade co disposto no artigo anterior.
Disposicións derradeiras
Primeira.-Facúltase o conselleiro de Política Agroalimentaria e Desenvolvemento Rural para ditar cantas disposicións sexan necesarias para o desenvolvemento e execución do presente decreto e para adoptar as medidas precisas para a plena efectividade e executividade práctica dos medios traspasados.
Segunda.-Este decreto entrará en vigor o día seguinte ao da súa publicación no Diario Oficial de Galicia.
Santiago de Compostela, vinte e cinco de marzo de dous mil catro.
Manuel Fraga Iribarne
Presidente
Jaime Pita Varela
Conselleiro da Presidencia, Relacións Institucionais
e Administración Pública
CONSELLERÍA DA PRESIDENCIA, RELACIÓNS INSTITUCIONAIS
E ADMINISTRACIÓN PÚBLICA