De conformidade co disposto no artigo 59.4º da Lei 30/1992, do 26 de novembro, de réxime xurídico das administracións públicas e do procedemento administrativo común, notifícase o acordo da delegada territorial desta consellería en Vigo, pola que se procede á imposición de multa coercitiva e dun novo apercibimento de imposición de multa coercitiva, recaída no expediente administrativo sancionador e de restitución e reposición da legalidade nº 10.5/92-II, tramitado a Construcciones Silverio Bouzada, S.L., na súa condición de promotora das obras consistentes na construcción de vivenda e piscina, no lugar de Punta Raeiro, termo municipal do Grove, dentro da zona de servidume de protección do dominio público marítimo-terrestre, carecendo da preceptiva autorización desta Comunidade Autónoma, e sendo firme a resolución recaída no referido expediente, sen ter constancia de que se procedese ó cumprimento do punto 2º da parte dispositiva da resolución, que ordenaba volta-los terreos nos que

se executaron as obras obxecto deste expediente ó seu primitivo estado no prazo dun mes desde que sexa definitiva, acordo, en aplicación da devandita

resolución, e de conformidade co disposto no artigo 107.3º da Lei 22/1988, do 28 de xullo, de costas, e nos artigos 95, 96 e 99 da Lei 30/1992, do 26 de novembro, de réxime xurídico das administracións públicas e do procedemento administrativo común, impoñer a Construcciones Silverio Bouzada, S.L. unha multa coercitiva por importe de tres mil novecentos dous euros (3.902 A) que se ingresarán nas contas habilitadas en Caixa Galicia ou Caixanova, e conceder un prazo de quince (15) días para proceder á restitución das cousas ó seu primitivo estado, acreditándoo perante esta delegación. Noutro caso, a partir do vencemento do prazo concedido, procederase á imposición doutra multa coercitiva por importe de tres mil novecentos dous euros (3.902 A), multa que será reiterada mensualmente en tanto que non proceda á reposición e restitución da legalidade.

Contra esta resolución pódese interpoñer, segundo o artigo 114 e seguintes da Lei 4/1999 de modificación da Lei 30/1992, recurso de alzada perante o conselleiro de Pesca e Asuntos Marítimos, no prazo dun mes, contados a partir da data na que teña lugar a notificación ó interesado.

Vigo, 26 de febreiro de 2004.

Paloma Rueda Crespo

Delegada territorial de Pontevedra