Visto o expediente da revisión salarial do convenio colectivo da empresa Promotora Industrial Sadense, S.A. (Proínsa) que tivo entrada nesta delegación provincial o día 13-2-2004 e subscrito en representación da parte económica por Proínsa e da parte social, polo delegado de persoal o día 4-2-2004,

de conformidade co disposto no artigo 90.2º e 3º do Real decreto lexislativo 1/1995, do 24 de marzo, polo que se aproba o texto refundido da Lei do Estatuto dos traballadores, Real decreto 1040/1981, do 22 de maio, sobre rexistro e depósito de convenios colectivos de traballo e Real decreto 2412/1982, do 24 de xullo, sobre traspaso de funcións e servicios da Administración do Estado á Comunidade Autónoma de Galicia, en materia de traballo, esta delegación provincial

ACORDA:

Primeiro.-Ordena-la súa inscrición no libro rexistro de convenios colectivos de traballo, obrante nesta delegación provincial, e notificación ás representacións económica e social da comisión negociadora.

Segundo.-Ordena-lo depósito do citado acordo no Servicio de Relacións Laborais, Sección de Mediación, Arbitraxe e Conciliación.

Terceiro.-Dispoñe-la súa publicación no Diario Oficial de Galicia.

A Coruña, 16 de febreiro de 2004.

Luis Alberto Álvarez Freijido

Delegado provincial da Coruña

Acta da reunión para a revisión do convenio colectivo da empresa Promotora Industrial Sadense, S.A. (Proínsa) (código 1503771).

En Sada o 4 de febreiro de 2004, ás 10.00 horas, reúnense no domicilio social da empresa, María Dolores Fernández Vázquez, maior de idade, con DNI 32752367, en representación da empresa, e Miguel Ángel Gómez Fernández, maior de idade, con DNI 10900102, en calidade de delegado de persoal dos traballadores.

Despois dun breve debate, chégase ós seguintes acordos:

1. Aplica-la revisión salarial establecida no artigo 4 do convenio, que consiste nun 0,6%, resultante da diferencia do IPC real do 2,6% co previsto, que era do 2%, e con efectos a partir do 1 de xaneiro de 2003. Incorpórase a esta acta unha táboa que reflicte as variacións que se van aplicar.

2. Incrementar para o ano 2004, de acordo co convenio colectivo en vigor, o salario resultante de aplica-la desviación do IPC do ano 2003 nun 2%, en función das previsións de inflación deste ano 2004. Incorpórase a esta acta a táboa correspondente.

Sen máis asuntos que tratar, levántase a reunión, ás 11.00 horas, asinando os presentes en proba de conformidade.

Pola empresa:

Asdo.: Dolores Fernández Vázquez.

Polos traballadores:

Asdo.: Miguel Ángel Gómez Fernández.

Revisión salarial correspondente ó ano 2003 de Proínsa

Categorías e retribucións

Mensual

Anual

Mensual

Anual