O Estatuto de autonomía de Galicia, no seu artigo 27.23º, asígnalle á Comunidade Autónoma competencia exclusiva en materia de asistencia social.
A Lei 3/1997, do 9 de xuño, galega da familia, a infancia e da adolescencia, establece no seu artigo 3.2º como principio rector da actuación dos poderes públicos de Galicia o impulso dunha política integral de apoio á familia que teña en conta as súas necesidades básicas e as dos seus membros, regulando, segundo o artigo 11.3º, aquelas prestacións económicas ou técnicas que teñan por obxecto incidir favorablemente nas situacións de carencia familiar.
A Xunta de Galicia, co fin de paliar, na medida do posible, os gastos dos primeiros anos de crianza dun fillo estableceu hai algúns anos deduccións da cota integra autonómica do imposto sobre a renda das persoas físicas polo nacemento de fillos. Sen embargo, non tódalas persoas teñen obriga de efectua-la dita declaración, e son precisamente as de menor capacidade económica. A través das axudas directas que hoxe se regulan, a Xunta de Galicia pretende equiparar este colectivo de persoas con aqueles que gozan da correspondente deducción fiscal.
A Lei 9/2003, do 9 de xuño, de medidas tributarias e administrativas, prevé na súa disposición adicional primeira que aquelas persoas que, á data de entrada en vigor desta lei, tiveran ó seu cargo fillos menores de tres anos terán dereito a percibir unha prestación de 300 euros por cada un deles cando, por razón dos ingresos obtidos durante 2002, nin elas nin ningún dos membros da súa unidade familiar estiveran obri
gados a presenta-la declaración polo imposto sobre a renda das persoas físicas correspondente a ese período.
O texto refundido da Lei de réxime financeiro e orzamentario de Galicia, aprobado polo Decreto lexislativo 1/1999, do 7 de outubro, establece no seu artigo 78 o réxime xeral de concesión de axudas e subvencións con cargo ós orzamentos xerais da Comunidade Autónoma.
Esta orde segue o procedemento previsto con carácter xeral, sen ningunha especificación, no Decreto 287/2000, do 21 de xaneiro, polo que se desenvolve o réxime de axudas e subvencións públicas da Comunidade Autónoma de Galicia Autónoma de Galicia, tendo en conta en todo caso os principios de publicidade, obxectividade e concorrencia, e os demais requisitos establecidos na Lei 8/2003, do 29 de decembro, de orzamentos xerais da Comunidade Autónoma de Galicia para o ano 2004.
Con este fin, na Lei 8/2003, do 27 de decembro, de orzamentos xerais da Comunidade Autónoma de Galicia para o ano 2004, na aplicación 14.02.212A.486.0 existe partida orzamentaria consignada pola contía de 4.950.000 euros para as prestacións que se establecen no articulado desta orde.
Na súa virtude, en uso das facultades que teño atribuídas,
DISPOÑO:
Artigo 1º.-Obxecto.
Esta orde ten por obxecto establece-las bases polas que se rexerá a concesión da prestación familiar por fillo menor a cargo así como a convocatoria destas axudas para este ano.
Artigo 2º.-Beneficiarios.
1. Poderán ser beneficiarias desta prestación aquelas persoas que teñan ó seu cargo fillos menores de tres anos á data 31 de decembro de 2003 e que, por razón dos ingresos obtidos durante o ano 2002, nin elas nin ningún dos membros da unidade familiar estiveran obrigadas a presenta-la declaración do imposto sobre a renda das persoas físicas correspondente a este período.
No caso de fillos adoptados ou acollidos entre o 31 de decembro de 2002 e o 31 de decembro de 2003, a prestación poderase conceder durante os tres anos posteriores á data da inscrición da adopción ou do acollemento no Rexistro Civil. Cando non sexa necesaria a inscrición, a prestación poderase conceder a partir da data da resolución xudicial ou administrativa que a declare.
2. Nos supostos de nulidade, separación ou divorcio dos proxenitores, o beneficiario da prestación será o pai/nai que teña a custodia dos fillos, de acordo co establecido no convenio regulador ou sentencia de separación ou divorcio.
3. En ningún caso poderán ser beneficiarios os proxenitores privados da patria potestade dos seus fillos, ou se a tutela ou garda fora asumida por unha institución pública.
4. Os estranxeiros que residan en Galicia poderán beneficiarse desta prestación sempre que cumpran as condicións da Lei orgánica 4/2000, sobre dereitos e
liberdades dos estranxeiros en España e os requisitos establecidos na presente norma e tiveran a condición de contribuíntes para os efectos do disposto nos artigos 8 e 9 da Lei 40/1998, do 9 de decembro, do imposto sobre a renda das persoas físicas.
Artigo 3º.-Requisitos.
Será requisito necesario para a concesión da prestación:
a) Que os pais teñan a súa residencia habitual na Comunidade Autónoma galega.
b) Que na data da solicitude os nenos convivan co solicitante.
Artigo 4º.-Tipo de axuda e contía.
A prestación consistirá nun pagamento único por cada fillo menor que o solicitante teña ó seu cargo.
A contía da prestación será de 300 euros por cada un dos fillos menores que os beneficiarios teñan ó seu cargo, sen que o mesmo fillo poda dar lugar a máis dunha prestación.
Artigo 5º.-Solicitudes e documentación.
1. A solicitude formalizarase no modelo oficial que figura como anexo I desta orde, xunto coa seguinte documentación:
a) Fotocopia do DNI/NIF ou NIE do solicitante e do seu cónxuxe ou parella.
b) Fotocopia do libro de familia ou certificación literal de nacemento do Rexistro Civil de cada un dos fillos menores de tres anos.
c) Certificado de empadroamento do solicitante.
d) Copia da sentencia de nulidade, separación ou divorcio e do convenio regulador, de se-lo caso.
e) Nos supostos de adopción ou tutela, copia do auto xudicial de adopción ou da resolución xudicial de constitución da tutela.
f) Nos casos de proxenitores solteiros con fillos recoñecidos polo outro proxenitor, declaración xurada de convivencia co fillo (anexo III).
g) Certificación dos datos bancarios do solicitante.
Na presentación da solicitude de prestación o interesado autorizará a Consellería de Familia, Xuventude, Deporte e Voluntariado para obter da Axencia Estatal de Administración Tributaria e da Consellería de Economía e Facenda os datos de carácter tributario necesarios para a determinación da renda da unidade familiar e para o pagamento da prestación.
2. Solicitudes para persoas anteriormente beneficiarias:
Se o solicitante recibise a prestación familiar por fillo menor a cargo no ano 2003, só terá que presenta-la solicitude formalizada no modelo oficial (anexo I) e copia do DNI ou NIE, sempre e cando non se modificaran as circunstancias persoais, xurídicas e económicas determinantes do dereito de prestación.
Neste caso, poderá obterse a solicitude debidamente cuberta no enderezo http://www.xunta.es/servicios/
En calquera dos dous casos, se a solicitude non estivese debidamente cuberta ou non se presentase a documentación sinalada, requirirase o interesado para que no prazo de 10 días emende a falta ou presente os documentos preceptivos, con indicación de que, se así non o fixese, se entenderá que desiste
da súa petición, logo da resolución que deberá ser dictada nos termos previstos no artigo 42 da Lei 30/1992, do 26 de novembro, de réxime xurídico das administracións públicas e do procedemento administrativo común.
Artigo 6º.-Lugar e prazo para a presentación de solicitudes.
1. O prazo de presentación de solicitudes será de corenta días naturais, contado a partir do día da publicación desta orde.
2. A presentación da solicitude poderá facerse, a elección do solicitante, por vía escrita ou vía telemática:
a) Pola vía escrita a solicitude maila documentación requirida presentarase no rexistro da Consellería de Familia, Xuventude, Deporte e Voluntariado, sen prexuízo do disposto no artigo 38.4º da Lei 30/1992, do 26 de novembro, de réxime xurídico das administracións públicas e do procedemento administrativo común.
b) A vía telemática establécese como un mecanismo de presentación nun único trámite para aqueles solicitantes que reúnan os seguintes requisitos:
-O solicitante deberá ter sido beneficiario destas axudas no ano 2003, e non teren variado as circunstancias persoais, xurídicas e económicas determinantes do dereito a prestación.
-Os solicitantes deberán posuír un certificado dixital baixo a norma X.509 V3 expedido pola Fábrica Nacional de Moeda e Timbre-Real Casa da Moeda.
Poderá accederse a esta vía de presentación a través da aplicación informática establecida no enderezo de Internet http://www.xunta.es/servicios/, onde se disporán os medios de axuda para a presentación de solicitudes.
Unha vez asinado co certificado dixital do solicitante o anexo I da solicitude, procederase á transferencia telemática da dita documentación é Rexistro Telemático da Xunta de Galicia creado polo Decreto 200/2003, do 20 de marzo.
Artigo 7º.-Resolución.
1. Correspóndelle á conselleira de Familia, Xuventude, Deporte e Voluntariado, a resolución destas axudas no prazo de 6 meses contado desde o día seguinte á data na que a solicitude tivera entrada no rexistro do órgano competente para a súa tramitación.
Transcorrido o dito prazo sen recaer resolución expresa, as solicitudes teranse por desestimadas.
2. As resolucións recaídas neste procedemento esgotan a vía administrativa, e contra elas pode interpoñerse recurso contencioso-administrativo ante o órgano da xurisdicción contencioso-administrativo competente, no prazo de dous meses a partir do día seguinte ó da notificación da resolución, de conformidade co disposto na Lei 29/1998, do 13 de xullo, reguladora da xurisdicción contencioso-administrativa.
Potestativamente, e con anterioridade á interposición do referido recurso contencioso-administrativo, poderá interpoñerse recurso de reposición ante o órgano que dictou o acto, no prazo dun mes contado a partir do día seguinte ó da notificación da dita reso
lución. Neste caso non poderá interpoñerse recurso contencioso-administrativo ata que sexa resolto expresamente ou por desestimación presunta o recurso de reposición.
Artigo 8º.-Compatibilidade.
As prestacións reguladas nesta orde serán compatibles con calquera outra establecida tanto polas administracións públicas ou calquera dos seus organismos, entes ou sociedades, como por calquera entidade privada.
Artigo 9º.-Pagamento.
O pagamento das prestacións reguladas nesta orde farase segundo o establecido no Decreto lexislativo 1/1999, do 7 de outubro, polo que se aproba o texto refundido da Lei de réxime financeiro e orzamentario de Galicia e no Decreto 287/2000, do 21 de novembro, polo que se desenvolve o réxime de axudas e subvencións públicas da Comunidade Autónoma de Galicia.
Artigo 10º.-Obrigas dos beneficiarios.
Os beneficiarios desta prestación quedan obrigados a someterse ás actuacións de comprobación que deba efectua-la entidade concedente e ás de control financeiro que correspondan á Intervención Xeral da Comunidade Autónoma e ás previstas na lexislación do Tribunal de Contas e do Consello de Contas no exercicio das súas funcións de fiscalización e control do destino destas axudas.
Artigo 11º.-Revogación da prestación.
Procederá a revogación das axudas así como o reintegro das cantidades percibidas e a esixencia do xuro de demora devengado desde o momento do seu pagamento nos casos e nos termos previstos no artigo 78 do Decreto lexislativo 1/1999, do 7 de outubro, polo que se aproba o texto refundido da Lei de réxime financeiro e orzamentario de Galicia, así como no sinalado no Decreto 287/2000, do 21 de novembro, polo que se desenvolve o réxime de axudas e subvencións públicas da Comunidade Autónoma de Galicia.
Disposicións adicionais
Primeira.-A concesión destas prestacións terá como límite global o crédito consignado no orzamento da Consellería de Familia, Xuventude, Deporte e Voluntariado para estes fins.
Segunda.-Os beneficiarios atópanse suxeitos ó réxime de infraccións e sancións que en materia de subvencións establece o artigo 79 do texto refundido da Lei de réxime financeiro e orzamentario de Galicia aprobado polo Decreto lexislativo 1/1999, do 30 de decembro.
Disposicións derradeiras
Primeira.-Esta orde entrará en vigor o día seguinte ó da súa publicación no Diario Oficial de Galicia.
Segunda.-Facúltase a directora xeral de Familia para dictar cantas disposicións sexan precisas en relación coa presente norma.
Santiago de Compostela, 20 de febreiro de 2004.
Pilar Rojo Noguera
Conselleira de Familia, Xuventude,
Deporte e Voluntariado
