O Pleno da corporación municipal do Concello de Pontevedra, reunido en sesión celebrada o día 23 de xaneiro de 2004, acordou cederlle á Comunidade Autónoma de Galicia, gratuitamente, o uso do pazo municipal de Mugartegui da praza da Pedreira para a súa utilización polo Consello Regulador da Denominación de Orixe Rías Baixas, órgano desconcentrado da Consellería de Política Agroalimentaria e Desenvolvemento Rural.
A Secretaría Xeral e do Patrimonio tramitou o correspondente expediente de aceptación de cesión, de conformidade co disposto nos artigos 16, 17 e 23 da Lei 3/1985, do 12 de abril, do patrimonio da Comunidade Autónoma de Galicia, e 33, 34 e 38 do Decreto 50/1989, do 9 de marzo, polo que se aproba o regulamento para a execución da dita lei.
Na súa virtude, por proposta do conselleiro de Economía e Facenda, feita nos termos en que o Concello de Pontevedra acordou a cesión, e logo de deliberación do Consello da Xunta de Galicia na súa reunión do día vinteseis de febreiro de dous mil catro,
DISPOÑO:
Artigo 1º
Acéptase a cesión, a título gratuíto, feita polo Concello de Pontevedra a favor da Comunidade Autónoma de Galicia, do uso do inmoble coñecido como Pazo de Mugartegui, situado na praza da Pedreira, 10, de Pontevedra.
O predio descrito figura inscrito a nome do Concello de Pontevedra, no Rexistro da Propiedade nº 1 de Pontevedra no tomo 456, libro 160, folio 5, predio número 5583.
Artigo 2º
O fin da cesión do uso do dito inmoble é a súa utilización polo Consello Regulador da Denominación de Orixe Rías Baixas, órgano desconcentrado da Consellería de Política Agroalimentaria e Desenvolvemento Rural.
Artigo 3º
A Consellería de Economía e Facenda, a través da Secretaría Xeral e do Patrimonio, procederá á formalización da cesión do uso no correspondente documento público e á súa inscrición no Rexistro da Propiedade a nome da Comunidade Autónoma de Galicia.
Disposición derradeira
A Consellería de Economía e Facenda, a través da Secretaría Xeral e do Patrimonio, levará a cabo tódolos trámites necesarios para a efectividade deste decreto.
Santiago de Compostela, vinteseis de febreiro de dous mil catro.
Manuel Fraga Iribarne
Presidente
José Antonio Orza Fernández
Conselleiro de Economía e Facenda
CONSELLERÍA DE POLÍTICA TERRITORIAL, OBRAS PÚBLICAS
E VIVENDA
