O artigo 20 da Lei orgánica 15/1999, do 13 de decembro, de protección de datos de carácter persoal (BOE nº 298, do 14 de decembro), especifica que a creación, modificación ou supresión dos ficheiros das administracións públicas só poderán facerse mediante a disposición xeral correspondente.
Na súa virtude, a Consellería de Cultura, Comunicación Social e Turismo,
DISPÓN:
Primeiro.-Mediante a presente orde créanse os ficheiros especificados no anexo, que conteñen a información esixida no artigo 20.2º da Lei orgánica 15/1999, do 13 de decembro, de protección de datos de carácter persoal para as disposicións de creación dos ficheiros.
Segundo.-O titular do órgano responsable destes ficheiros adoptará as medidas de xestión e organización que sexan necesarias, asegurando a confidencialidade, os dereitos e as obrigas recoñecidos na Lei orgánica 15/1999, do 13 de decembro.
Terceiro.-Os datos de carácter persoal, rexistrados nos ficheiros da Consellería de Cultura, Comunicación Social e Turismo, ós que se refire o anexo só serán utilizados para os fins expresamente previstos e por persoal debidamente autorizado.
Cuarto.-Os datos só poderán ser cedidos nos supostos expresamente previstos pola lei.
Disposición adicional
No caso de cesións dos datos ós servicios de estatística das administracións públicas haberá que aterse, ademais, ó disposto na normativa vixente sobre materia estatística.
Disposición derradeira
Esta orde entrará en vigor o día seguinte ó da súa publicación no Diario Oficial de Galicia.
Santiago de Compostela, 6 de febreiro de 2004.
Jesús Pérez Varela
Conselleiro de Cultura, Comunicación Social
e Turismo
ANEXO
Ficheiros de nova creación da Consellería de Cultura, Comunicación Social e Turismo
1. CMGFRM, Usuarios dos programas de formación da Dirección Xeral de Comunicación e Audiovisual.
a) Finalidade do ficheiro e uso previsto: xestión das solicitudes de participación nos programas de formación, ademais de asistentes ós cursos, profesores, alumnos e diplomas.
b) Persoas ou colectivos sobre os que se pretende obter datos de carácter persoal: solicitantes, alumnado e profesorado de cursos organizados pola Dirección Xeral de Comunicación e Audiovisual.
c) Procedemento de recollida de datos: formulario web.
d) Estructura básica do ficheiro: base de datos.
e) Cesión de datos: ningunha.
f) Órgano responsable do ficheiro: a Dirección Xeral de Comunicación e Audiovisual da Consellería de Cultura, Comunicación Social e Turismo.
g) Os dereitos de acceso, rectificación, cancelación e oposición de datos que constan no ficheiro poderán exercerse, se é o caso, ante a unidade responsable do ficheiro, na súa dependencia sita no edificio administrativo de San Caetano, 15771 Santiago de Compostela.
h) Medidas de seguridade: nivel básico.
i) Datos de carácter persoal recollidos:
-Datos de carácter identificativo: DNI, nome e apelidos, enderezo, teléfono, correo electrónico.
-Datos de características persoais: data de nacemento, lugar de nacemento, idade, sexo, nacionalidade.
-Datos académicos e profesionais: formación, titulacións, experiencia profesional.
-Datos relativos ó emprego: corpo/escala, categoría/grao, posto de traballo.
2. CMGCOR, usuarios do correo electrónico.
a) Finalidade do ficheiro e uso previsto: xestiona os usuarios do correo electrónico da Dirección Xeral de Comunicación e Audiovisual.
b) Persoas ou colectivos sobre os que se pretenden obter datos de carácter persoal: usuarios do correo electrónico das distintas unidades e servicios da Dirección Xeral de Comunicación e Audiovisual.
c) Procedemento de recollida de datos: formulario.
d) Estructura básica do ficheiro: base de datos.
e) Cesión de datos: ningunha.
f) Órgano responsable do ficheiro: a Dirección Xeral de Comunicación e Audiovisual da Consellería de Cultura, Comunicación Social e Turismo.
g) Os dereitos de acceso, rectificación, cancelación e oposición de datos que constan no ficheiro poderán exercerse, se é o caso, ante a unidade responsable do ficheiro, na súa dependencia sita no edificio administrativo de San Caetano, 15771 Santiago de Compostela.
h) Medidas de seguridade: nivel básico.
i) Datos de carácter persoal recollidos:
-Datos de carácter identificativo: nome, apelidos e enderezo de correo electrónico de usuarios.
3. CMGCONTS, libreta de enderezos da Dirección Xeral de Comunicación e Audiovisual.
a) Finalidade do ficheiro e uso previsto: listaxe de contactos da Dirección Xeral e das distintas unidades e servicios para uso como caderno de enderezos.
b) Persoas ou colectivos sobre os que se pretende obter datos de carácter persoal: persoal interno e externo relacionado coas funcións da dirección xeral.
c) Procedemento de recollida de datos: formulario web.
d) Estructura básica do ficheiro: base de datos.
e) Cesión de datos: ningunha.
f) Órgano responsable do ficheiro: a Dirección Xeral de Comunicación e Audiovisual da Consellería de Cultura, Comunicación Social e Turismo.
g) Os dereitos de acceso, rectificación, cancelación e oposición de datos que constan no ficheiro poderán exercerse, se é o caso, ante a unidade responsable do ficheiro, na súa dependencia sita no edificio administrativo de San Caetano, 15771 Santiago de Compostela.
h) Medidas de seguridade: nivel básico.
i) Datos de carácter persoal recollidos:
-Datos de carácter identificativo: nome e apelidos, enderezo, teléfono, correo electrónico, fax.
-Datos relativos ó emprego: corpo/escala, categoría/grao, posto de traballo.