A Comunidade Autónoma de Galicia ten competencia exclusiva en materia de asistencia social, segundo o disposto no artigo 27.23º do seu Estatuto de autonomía.
A Lei 4/1993, do 14 de abril, de servicios sociais, atribúelle á Administración autonómica competencia para a regulamentación dos centros de servicios sociais, entre os que se recollen os centros de atención á primeira infancia.
Así mesmo, a Lei 3/1997, galega da familia, infancia e adolescencia, atribúelle á Xunta de Galicia a xestión dos centros de atención á primeira infancia dependentes da Administración autonómica.
Consonte o exposto, e facendo uso das facultades que me confire o artigo 34 da Lei 1/1983, do 22 de febreiro, reguladora da Xunta e do seu presidente
DISPOÑO:
Artigo 1º.-Obxecto.
Esta orde ten por obxecto regula-lo procedemento de adxudicación de prazas nos centros de atención á primeira infancia, dependentes da Consellería de Familia, Xuventude, Deporte e Voluntariado, tanto no relativo ás solicitudes de novo ingreso coma ás de renovación de prazas e cobertura de vacantes que se poidan producir ó longo do curso.
Artigo 2º.-Destinatarios.
1. Poderán solicitar praza nos centros de atención á primeira infancia, os pais ou representantes legais dos nenos e nenas residentes na Comunidade Autónoma de Galicia que cumpran os seguintes requisitos de idade:
Idade mínima: ter cumpridos os tres meses na data de ingreso.
Idade máxima: non ter cumpridos os 3 anos de idade o 31 de decembro do ano en que se solicita a praza.
2. Non se poderán presentar solicitudes para o grupo 0-1 para aqueles centros que por razóns estructurais non conten con unidades para este tramo de idade.
3. Poderán integrarse nenos e nenas con discapacidade física, psíquica ou sensorial. O ingreso destes estará supeditado á existencia de condicións infraestructurais idóneas e de persoal axeitado e suficiente no cadro de persoal do centro. En ningún
caso poderá haber máis dun neno ou nena de integración por aula. Para efectos de ratio, estas prazas contabilizaranse como dúas.
Artigo 3º.-Prazas de ingresos urxentes.
Reservarase un 5% das prazas de cada centro para supostos de máxima urxencia, entendendo por tales os ingresos de menores tutelados/as pola Consellería de Familia, Xuventude, Deporte e Voluntariado, os fillos/as de mulleres que se atopen en casas de acollida ou de víctimas de maltrato acreditado segundo se establece no artigo 6, e aqueloutros en que concorran circunstancias socioeconómicas e familiares que requiran unha intervención inmediata. A adxudicación ou denegación de praza nestes supostos será resolta pola directora xeral de Familia nun prazo de 5 días contados a partir da data de presentación da solicitude. Transcorrido este prazo sen caer resolución expresa, a solicitude terase por desestimada. Contra esta resolución, que non esgota a vía administrativa, cabe interpor recurso de alzada perante a conselleira de Familia, Xuventude, Deporte e Voluntariado no prazo dun mes que comezará a contar o día seguinte ó da notificación da resolución.
Artigo 4º.-Servicios.
Os servicios dos centros desagréganse en dúas opcións: asistencia con comedor e asistencia sen comedor. Os usuarios que opten polo servicio de asistencia sen comedor, ateranse ós horarios establecidos no centro para estes efectos.
A opción de servicios elixida farase constar nos impresos de solicitude de novo ingreso ou renovación de praza, e deberá manterse durante todo o curso salvo circunstancias sobrevidas, debidamente acreditadas, que xustifiquen a necesidade de modificación da opción elixida inicialmente.
Artigo 5º.-Solicitudes.
O procedemento para a concesión de prazas iniciarase coa presentación das solicitudes por parte dos pais ou representantes legais dos nenos/as, segundo os modelos normalizados recollidos nesta orde:
Anexo I: reserva de praza.
Anexo II: novo ingreso.
Os impresos de solicitude -anexo I/anexo II- facilitaranse nos propios centros en que se solicite praza, nas delegacións provinciais desta consellería ou no enderezo electrónico (www.xunta.es/conselle/fm/dxf/inex.htm), debendo presentarse xunto coa documentación oportuna nas anteditas delegacións provinciais, sen prexuízo do disposto no artigo 38.4º da Lei 30/1992, do 26 de novembro, de réxime xurídico das administracións públicas e do procedemento administrativo común.
1. Reserva de praza.
Os pais ou representantes legais de nenos/as xa matriculados nestes centros que desexen renovar praza neles presentarán -entre o 1 e o 9 de marzoa
solicitude de reserva de praza (anexo I), en que deberán figura-los ingresos económicos actualizados. As variacións alegadas neste anexo serán cumpridamente xustificadas.
Non poderá renovar praza o solicitante que, no momento de formaliza-la súa solicitude, manteña algunha mensualidade impagada de calquera curso.
2. Novo ingreso.
a) O prazo para a presentación das solicitudes de novo ingreso -segundo o modelo oficial (anexo II)será do 15 ó 27 de marzo.
b) Poderase solicitar, no mesmo impreso, praza para dous centros, detallándoos por orde de preferencia.
A puntuación obtida no baremo de admisión determinará a orde de prelación na adxudicación de prazas para calquera das dúas opcións solicitadas.
c) Os solicitantes interesados en participar nas prazas de centros de atención á primeira infancia conveniadas con esta consellería a través do programa Cheque Infantil, dirixido a aqueles que non obteñan praza na 1ª e 2ª opción solicitadas, deberán cubri-lo epígrafe do anexo II destinado a este fin, detallando por orde de preferencia 5 centros dos que se relacionan no anexo IV. De non cubrir este epígrafe, entenderase que desisten desta opción e quedaran excluídos da candidatura ó referido cheque.
Artigo 6º.-Documentación de novo ingreso.
1. Os pais ou representantes legais dos nenos/as presentarán a solicitude para o seu ingreso, achegándose con ela os seguintes documentos cotexados:
a) Fotocopia do documento nacional de identidade do solicitante e, se é o caso, do representante legal.
b) Fotocopia do libro de familia.
c) Xustificación de ingresos: copia da última declaración do IRPF de cada membro da unidade familiar computable para efectos económicos, segundo se determina no artigo 14º desta orde.
No caso de non ter obriga de presentar declaración:
1º Os solicitantes de devolución rápida (mod. 104) achegarán copia da comunicación que lles envía a Axencia Estatal de Administración Tributaria en aplicación do artigo 81 da Lei 40/1998, do 9 de decembro, do imposto sobre a renda das persoas físicas.
2º As persoas non obrigadas a declarar e que non solicitan devolución rápida (mod. 104) portarán certificación dos datos existentes na Administración, expedida pola Axencia Estatal da Administración Tributaria, en aplicación do artigo 16 da Lei 1/1998, do 26 de febreiro, de dereitos e garantías dos contribuíntes.
Cando se produzan causas sobrevidas que afecten os recursos da unidade familiar, é preciso un informe
da asistente social do concello neste sentido. Así mesmo, é preciso o devandito informe naqueles casos que por distintas razóns non se poidan acredita-las rendas dos pais con escasos recursos.
d) En caso de nenos de integración: informe do equipo de valoración e orientación das delegacións provinciais da Consellería de Asuntos Sociais, Emprego e Relacións Laborais.
e) Certificado de minusvalidez, se é o caso, só cando non sexa expedido pola Comunidade Autónoma de Galicia.
f) Outros documentos, se procede, en que consten incidencias familiares, económicas e sociais puntuables no baremo:
-Cargas familiares.
-Invalidez ou minusvalidez dos pais, titores e/ou outros membros da unidade familiar, só no caso de certificados que non sexan expedidos pola Comunidade Autónoma de Galicia.
-Enfermidades crónicas ou outras afeccións alegadas polos membros da unidade familiar.
-Situación de desemprego dos pais ou titores.
-Outras situacións que deberá ter en conta a comisión de baremación.
g) No caso de mulleres maltratadas, informe dos servicios sociais de base e xustificación de ter presentado denuncia ante a autoridade competente.
2. De carecer dalgún dos documentos sinalados nas alíneas b) e c) do punto anterior, será necesario presentar calquera outro documento que acredite oficialmente a situación familiar ou económica segundo proceda.
Así mesmo, e de carecer de acreditación documental dalgunha das incidencias alegadas, poderase presentar informe dos servicios sociais do concello correspondente.
Artigo 7º.-Emenda.
No caso de que as solicitudes de reserva de praza ou novo ingreso non reúnan os requisitos esixidos, a delegación provincial desta consellería, consonte o artigo 71 da Lei 30/1992, do 26 de novembro, de réxime xurídico das administracións públicas e do procedemento administrativo común, requirirá ó interesado para que, nun prazo de 10 días, emende os erros detectados, con indicación de que, se así non o fixese, se terá por desistido da súa petición, logo de resolución en tal sentido.
Artigo 8º.-Baremo de admisión.
A selección das solicitudes efectuarase en función da puntuación acadada segundo o baremo establecido no anexo III, mediante o que se avaliarán os factores socioeconómicos, familiares e laborais da
unidade familiar. En caso de obter igual puntuación, daráselle prioridade á renda per cápita máis baixa, e, trala aplicación deste criterio, terán preferencia as solicitudes de asistencia con servicio de comedor.
Entenderase por unidade familiar para estes efectos, o conxunto de persoas unidas por vínculos de matrimonio ou parentesco, ou as unidades de convivencia cando constitúan núcleos estables de vida en común.
Artigo 9º.-Comisión de baremación.
1. Aplicaráselles a tódalas solicitudes recibidas un procedemento de valoración. Con tal fin constituirase, en cada unha das delegacións, unha comisión provincial de baremación e selección coa seguinte composición:
Presidente: o/a xefe/a de Servicio de Familia, Infancia e Menores.
Vocais: o/a director/a do centro e un/unha representante dos pais dos/as nenos/as do centro de que se estean a barema-las solicitudes.
Secretario/a: un/unha funcionario/a da delegación provincial designado/a polo delegado/a provincial.
Os acordos tomaranse por maioría simple, e resolverá, en caso de empate, o/a presidente.
2. A dirección de cada centro convocará os pais a unha reunión, que se celebrará anualmente antes de remata-lo prazo de solicitudes de reserva de praza, co fin de proceder á elección, mediante votación e por maioría simple, do/a seu/súa representante na comisión de baremación e selección.
Artigo 10º.-Relación provisional.
A comisión, unha vez realizada a baremación, efectuará a proposta de selección, e publicará entre o 28 e o 30 de abril, a relación provisional de admitidos e a lista de espera, coa puntuación obtida; correspóndelle a resolución ó delegado provincial, xunto coa fixación de tarifa. Esta relación poderase consultar nas delegacións provinciais da consellería, así como na páxina web da Dirección Xeral de Familia (www.xunta.es/conselle/fm/dxf/inex.htm) e nos respectivos centros.
Artigo 11º.-Reclamacións.
Os solicitantes poderán efectua-las reclamacións que coiden oportunas no prazo de dez días contados desde a data de publicación da relación provisional.
Estas reclamacións entenderanse resoltas coa publicación da lista definitiva.
Artigo 12º.-Relación definitiva.
1. Unha vez estudiadas pola comisión tódalas reclamacións presentadas e mediante resolución do/a delegado/a provincial, procederase á publicación, na última semana de maio, da relación defi
nitiva de admitidos e da lista de espera coa puntuación obtida e tarifa correspondente a cada caso.
Esta relación poderase consultar nas delegacións provinciais da consellería,así como na páxina web da Dirección Xeral de Familia (www.xunta.es/conselle/fm/dxf/inex.htm) e nos respectivos centros.
Contra esta resolución, que non esgota a vía administrativa, poderá interpoñerse recurso de alzada perante a conselleira de Familia, Xuventude, Deporte e Voluntariado, no prazo dun mes que se contará a partir do día seguinte ó da publicación da resolución.
2. Os solicitantes admitidos disporán dun prazo de dez días, a partir da publicación da admisión, para confirmaren a súa praza presentando certificado médico do neno/a nas delegacións provinciais desta consellería sen prexuízo do disposto no artigo 38.4º da Lei 30/1992, do 26 de novembro, de réxime xurídico das administracións públicas e do procedemento administrativo común.
Se non se presentase a devandita documentación no prazo sinalado, terase por decaída a solicitude da praza, logo de resolución en tal sentido.
3. Con carácter xeral, o prazo máximo para resolve-lo procedemento previsto nesta convocatoria será de 6 meses contados a partir do día seguinte ó da publicación desta orde. Transcorrido o dito prazo sen recaer resolución expresa, as solicitudes teranse por desestimadas.
Artigo 13º.-Lista de espera.
1. A lista de espera estará constituída polo solicitantes que non obteñan praza na 1ª e 2ª opción, ordenados segundo a puntuación acadada no baremo de admisión.
2. As vacantes que se vaian producindo ó longo do curso serán cubertas por rigorosa orde de puntuación entre os solicitantes en lista de espera.
3. Os integrantes da lista de espera que se inscribisen como candidatos ó programa de Cheque Infantil serán excluídos dela ó adxudicárselle-la/-las prazas participadas por este programa, mesmo no caso de que renuncien a elas.
4. As solicitudes que, por circunstancias sobrevidas debidamente xustificadas, non se presentasen nos prazos fixados nesta convocatoria, serán tramitadas e baremadas polas comisións provinciais de selección e baremación para a súa inclusión na lista de espera, segundo a puntuación obtida.
Artigo 14º.-Tarifas.
1. Para a determinación das tarifas aplicables observarase o establecido no Decreto 70/2002, do 28 de febreiro, polo que se aproba o réxime de prezos dos centros de atención á primeira infancia dependentes desta consellería.
Para estes efectos, entenderase por renda per cápita mensual o resultado de dividir polo número de persoas que compoñen a unidade familiar o cociente resultante de dividir por doce a suma dos ingresos totais da unidade familiar.
Entenderase por unidade familiar, para efectos económicos, a formada polos pais e fillos menores de dezaoito anos ou fillos maiores de dezaoito anos con minusvalidez superior ó 33%. No caso de familias monoparentais, e para efectos do cálculo da renda per cápita ó que se refire o parágrafo anterior, incrementarase nun 0,8 o número real de membros que compoñen a unidade familiar.
2. Tódolos usuarios aboarán a contía de once mensualidades por curso, salvo as excepcións recollidas na normativa reguladora destes centros.
3. Se por calquera motivo, distinto ó período de vacacións anuais, o centro permanecese pechado durante un número superior a quince días hábiles consecutivos, non se aboará a tarifa que corresponda a este período.
4. A inasistencia do usuario durante un período determinado non supón ningunha reducción nin exención da tarifa, mentres non se formalice a baixa correspondente.
Non obstante, e con carácter excepcional, aqueles usuarios que por motivos de saúde deixen de asistir ó centro temporalmente, estarán exentos de aboa-la cota mensual desde o primeiro día do segundo mes natural seguinte á data de comezo do período de ausencia. Esta suspensión temporal durará ata o día primeiro do mes natural en que o usuario se reincorpore ó centro. Nestes casos a solicitude de exención da tarifa, durante o período que corresponda, xunto coa acreditación documental da circunstancia que a motiva, deberá presentarse ante o/a delegado/a provincial.
Artigo 15º.-Revisión da tarifa.
Ó longo do curso poderase proceder á revisión da tarifa fixada inicialmente cando concorran e se xustifiquen variacións socioeconómicas na unidade familiar referidas ós seguintes casos:
a) Modificación das variables que determinan os descontos recollidos no decreto regulador de prezos destes centros -anexo III.3.
b) Variacións nos seus ingresos, sempre que estes sufrisen durante máis de seis meses consecutivos, e mantivesen na data de revisión de tarifa, unha diminución ou incremento do 25%, fronte ós ingresos declarados na solicitude de praza.
Neste sentido, o beneficiario queda obrigado a comunicar calquera variación que se produza ó respecto.
A modificación da tarifa, se é o caso, será resolta polo/a delegado/a provincial e aplicarase a partir da data da súa revisión.
Artigo 16º.-Baixas.
Causarán baixa nos centros de atención á primeira infancia por algunha das circunstancias seguintes:
1. Por cumprimento da idade máxima regulamentaria de permanencia no centro.
2. Por solicitude dos pais ou representantes legais.
3. Polo non pagamento da cota establecida durante dous meses consecutivos ou tres alternos, calquera que sexa o curso escolar ó que se refire a débeda.
4. Por comprobación de falsidade nos documentos ou datos achegados.
5. Por incompatibilidade ou inadaptación absoluta para permanecer no centro.
6. Por falta de asistencia continuada durante un mes sen causa xustificada.
As baixas comprendidas no punto 5º anterior resolveraas, por proposta do/a delegado/a provincial, unha vez oídas a dirección do centro e mailos pais ou representantes legais do neno/a, a Dirección Xeral de Familia. Nos demais supostos será competente o/a delegado/a provincial.
As baixas producidas ó longo do curso escolar, por calquera dos motivos anteriormente expostos, cubriranse coas solicitudes que quedasen en lista de espera en cada grupo de idade, por rigorosa orde de puntuación.
Artigo 17º.-Participación dos pais.
Desde a dirección dos centros fomentarase a colaboración dos pais co centro e as relacións co persoal deste, así como a súa participación nos órganos colexiados que se puidesen crear.
Disposición derrogatoria
Quedan sen efecto tódalas disposicións anteriores de igual ou inferior rango que se opoñan ó disposto nesta orde, especialmente a Orde do 21 de febreiro de 2003.
Disposicións derradeiras
Primeira.-Facúltase a directora xeral de Familia para que dicte, no ámbito das súas competencias, as resolucións necesarias para o desenvolvemento e cumprimento desta orde.
Segunda.-Esta orde entrará en vigor o día da súa publicación no Diario Oficial de Galicia.
Santiago de Compostela, 16 de febreiro de 2004.
Pilar Rojo Noguera
Conselleira de Familia, Xuventude, Deporte
e Voluntariado
ANEXO IV
Relación de centros partícipes no programa Cheque Infantil na comunidade autónoma no curso 2004-2005
Código do centro Nome do centro Enderezo Concello Provincia
1 5 3 1 0 1 A Cabaniña A Cabana, 59, Someso A Coruña A Coruña
1 5 3 1 0 4 Cardo Miramar, O Castrillón, 14, baixo A Coruña A Coruña
1 5 3 1 0 5 Carmen Cervigón Avda. de Labañou, 2 A Coruña A Coruña
1 5 3 1 0 6 Coros R/ Médico Rodríguez, 5, local 1 A Coruña A Coruña
1 5 3 1 0 7 Cucos R/ Puerto Rico, 4, baixo A Coruña A Coruña
1 5 3 1 0 8 Enredos R/ Río Ézaro, 7 A Coruña A Coruña
1 5 3 1 0 9 Globos R/ Virrey Ossorio, 41 A Coruña A Coruña
1 5 3 1 1 1 Lapiceros R/ Teniente Coronel Teijeiro, 5 A Coruña A Coruña
1 5 3 1 1 2 Os Picariños R/ Barcelona, 93, baixo A Coruña A Coruña
1 5 3 1 1 4 Rapaciños R/ Mosteiro de Caaveiro, 26 A Coruña A Coruña
1 5 3 1 1 5 Sueños R/ Curramontes, 31 A Coruña A Coruña
1 5 3 1 1 6 Xénesis Avda. das Conchiñas, 1, 1º A Coruña A Coruña
1 5 3 1 1 7 Bolboreta Emilio González López, 76-78, baixo A Coruña A Coruña
1 5 3 1 1 8 Pibes Mesoiro, s/n A Coruña A Coruña
1 5 3 1 1 9 Virgen del Carmen Eirís de Arriba A Coruña A Coruña
Código do centro Nome do centro Enderezo Concello Provincia
1 5 0 2 0 1 Os Peques R/ Pardiñeiros, 6, local 2, O Milladoiro Ames A Coruña
1 5 0 5 0 1 Os Cativiños R/ Mestre Mateo, 3, baixo Arteixo A Coruña
1 5 0 5 0 2 Vagalume Travesía de Oseiro, 8 Arteixo A Coruña
1 5 0 5 0 3 O Berce Avda. de Fisterra, Os Olmos, s/n Arteixo A Coruña
1 5 0 9 0 1 Didascalio Niño Jesús R/ Guiliade, 116 Betanzos A Coruña
1 5 0 9 0 3 Pitufos Alfonso IX, 9 Betanzos A Coruña
1 5 1 1 0 1 Praia Xardín Praia Xardín, 12 Boiro A Coruña
1 5 1 7 0 1 Chiquitín R/ Celso Emilio Ferreiro, 29, O Temple Cambre A Coruña
1 5 1 7 0 2 La Barcala R/ Río Mero, 1, baixo Cambre A Coruña
1 5 1 7 0 3 Os Pequerrechos R/ Constitución, 11-13, Paseo Marítimo Cambre A Coruña
1 5 1 7 0 4 Trasnos Drozo, 27 C Cambre A Coruña
1 5 1 7 0 5 A Fraga Encantada Pintor Lucio Muñoz Cambre A Coruña
1 5 1 9 0 1 A Ledicia Avda. Bergantiños, 33-35 Carballo A Coruña
1 5 1 9 0 2 Os Pequerrechos R/ Hórreo, 11 Carballo A Coruña
1 5 2 3 0 1 Asunción Gómez de Castro Camiño Real da Madalena, 11, baixo Cedeira A Coruña
1 5 3 2 0 2 Gusiluz Ribados, 9, baixo Culleredo A Coruña
1 5 3 2 0 3 La Cometa Templarios, 12, O Burgo Culleredo A Coruña
1 5 3 2 0 4 Triciclo Lugar da Chanceira, s/n Culleredo A Coruña
1 5 3 2 0 5 Os Pequerrechos Juan Rey Martínez, 2 Culleredo A Coruña
1 5 4 1 0 1 A Casa dos Nenos R/ Plácido Pedreira Álvarez, 9, baixo A Laracha A Coruña
1 5 5 9 0 1 Reberte Avda. Rosalía de Castro, 35 Oleiros A Coruña
1 5 5 9 0 2 Santa Cristina Avda. Santa Cristina, 22, baixo Oleiros A Coruña
1 5 6 0 0 1 A Granxa Rúa do Camposanto, 25, baixo Ordes A Coruña
1 5 6 8 0 1 Canguro R/ Alexandre Bóveda, 23, baixo A Pobra do Caramiñal A Coruña
1 5 6 8 0 2 Sandra R/ Venecia, 15 A Pobra do Caramiñal A Coruña
1 5 7 2 0 1 O Parque As Ramblas, edif. Ramblas, Portosín Porto do Son A Coruña
1 5 7 4 0 1 Os Cativos Rúa dos Irmandiños, 17 Ribeira A Coruña
1 5 7 9 0 2 El Jardín de los Mimos R/ Virxe da Cerca, 21, baixo Santiago de Compostela A Coruña
1 5 7 9 0 3 Mami Rúa dos Feáns, 9, baixo Santiago de Compostela A Coruña
1 5 7 9 0 4 Paparolo Campo do Gaio, 10, baixo Santiago de Compostela A Coruña
1 5 7 9 0 5 Santa Apolonia I A Poza Real, 5, A Rocha Santiago de Compostela A Coruña
1 5 7 9 0 6 Santa Apolonia II A Poza Real, 2, A Rocha Santiago de compostela A Coruña
1 5 7 9 0 7 Snoopy R/ García Prieto, 53, baixo Santiago de Compostela A Coruña
1 5 8 3 0 1 Cantarela A Póboa, Cacheiras, 23, Montouto Teo A Coruña
2 7 2 8 0 1 Bambán Estrada da Granxa, 26, baixo Lugo Lugo
2 7 2 8 0 2 Barrio Sésamo I R/ Serra Gañidoira, 41 Lugo Lugo
2 7 2 8 0 3 Barrio Sésamo II Avda. de Magoi, 118 Lugo Lugo
2 7 2 8 0 4 Caixa Galicia Polígono Sagrado Corazón, s/n Lugo Lugo
2 7 2 8 0 5 Chiquis Avda. Afonso X O Sabio, 15, baixo M Lugo Lugo
2 7 2 8 0 6 La Muralla Rúa Nova, 122 Lugo Lugo
2 7 2 8 0 7 Quicos R/ Yáñez Rebolo, 75 Lugo Lugo
2 7 3 1 0 1 Caixa Galicia R/ Eduardo Pondal, s/n Monforte de Lemos Lugo
2 7 5 6 0 1 Pumuky R/ Porvir, 14 Sarria Lugo
3 2 0 8 0 1 De Cero a Tres Avda. de Celanova, 106, baixo Barbadás Ourense
3 2 0 9 0 1 Los Juglares Veiga de Cabo, s/n O Barco de Valdeorras Ourense
3 2 0 9 0 2 Parrulos R/ Conde Fenosa, 88 O Barco de Valdeorras Ourense
3 2 1 9 0 1 Vila do Arenteiro R/ Corzos, 6 O Carballiño Ourense
3 2 1 9 0 2 Arco Iris Conde Vallellano, 45, entresollado O Carballiño Ourense
3 2 5 1 0 1 A Casiña R/ Vasco da Ponte, 4 Ourense Ourense
3 2 5 1 0 2 Arlequín R/ Nosa Señora da Saínza, 5, baixo Ourense Ourense
3 2 5 1 0 3 Bambi R/ Río Limia, 3, baixo Ourense Ourense
3 2 5 1 0 4 Colorines R/ Teluro, 2 Ourense Ourense
3 2 5 1 0 5 Lazos R/ Irmáns da Xesta, 2, baixo Ourense Ourense
3 2 5 1 0 6 Lecer R/ Porto Carreiro, 10-12 Ourense Ourense
3 2 5 1 0 7 Los Tilos R/ Alfredo Brañas, 62 A Ourense Ourense
3 2 5 1 0 8 Mª Victoria R/ Cadaval Valladares, 3 Ourense Ourense
3 2 5 1 0 9 Nuestra Señora de la Merced R/ Remedios, 58, baixo Ourense Ourense
3 2 5 1 1 0 Play-School R/ Progreso, 139, baixo Ourense Ourense
3 2 5 1 1 1 Pulgarcito Praza Mestre Luis Fernández, 1, baixo Ourense Ourense
3 2 5 1 1 2 Pulgarcito R/ Río Xares, 29, baixo Ourense Ourense
3 2 5 1 1 3 Rapaciños R/ Padre Faustino Míguez, 6, baixo Ourense Ourense
3 2 5 1 1 4 Cativos R/ Nosa Señora da Saínza, 32 Ourense Ourense
Código do centro Nome do centro Enderezo Concello Provincia
3 2 5 1 1 5 Decroly Praza da Lexión, 5, baixo Ourense Ourense
3 2 8 2 0 1 Pinocho Estrada de Laza, 71 Verín Ourense
3 2 8 2 0 2 O Castro Camiño da Glorieta, 16 Verín Ourense
3 6 0 9 0 1 Beni Camiño de San Roque, 31 Cangas Pontevedra
3 6 1 6 0 1 Pequenecos Lugar Porto de Gómez Cuntis Pontevedra
3 6 2 7 0 1 Carmiña R/ Jaime Janer, 139, baixo Marín Pontevedra
3 6 3 0 0 1 Mimos A Xunqueira, s/n Moaña Pontevedra
3 6 3 4 0 1 Baby-Lar Avda. do Aeroporto, 50 Mos Pontevedra
3 6 4 4 0 1 Garabatos Torneiros, Ribeira O Porriño Pontevedra
3 6 4 4 0 2 Peluche Ourense, 7 O Porriño Pontevedra
3 6 4 3 0 1 Bamby R/ San Roque de Abaixo, 1 Pontevedra Pontevedra
3 6 4 3 0 2 Chiquis R/ Alcalde Hevia, 8, baixo Pontevedra Pontevedra
3 6 4 3 0 3 El Abeto R/ Ernesto Caballero, 19, baixo Pontevedra Pontevedra
3 6 4 3 0 4 Globos R/ Pintor Manuel Colmeiro, 7 Pontevedra Pontevedra
3 6 4 3 0 5 Los Cerezos R/ Don Gonzalo, 11 Pontevedra Pontevedra
3 6 5 3 0 6 Parrulos Praza Fermín Bouza Brey, baixo Pontevedra Pontevedra
3 6 4 6 0 1 Las Palmeras Subida á Estación, 2, Altamira Redondela Pontevedra
3 6 4 6 0 2 Rapaciños R/ Picota, 64, baixo Redondela Pontevedra
3 6 5 6 0 1 La Camelia Palláns, 36 Tui Pontevedra
3 6 5 8 0 1 A Camelia Rúa do Brabo, 36, urb. Samil Vigo Pontevedra
3 6 5 8 0 2 Abrente R/ Xulia Minguillón, 3 Vigo Pontevedra
3 6 5 8 0 3 Alve R/ Nicaragua, 50 Vigo Pontevedra
3 6 5 8 0 4 Bussy R/ Xoán de Bastos, 35, Beirán Vigo Pontevedra
3 6 5 8 0 5 Divino Salvador Estrada ó Vao, 49, Coruxo Vigo Pontevedra
3 6 5 8 0 6 Dumbo Couto de Santo Honorato, 5 Vigo Pontevedra
3 6 5 8 0 7 Lacaba Avda. Europa, 75 Vigo Pontevedra
3 6 5 8 0 8 Los Olivos R/ Marqués de Alcedo, 1 Vigo Pontevedra
3 6 5 8 0 9 Los Robles Avda. de la Florida, 34 Vigo Pontevedra
3 6 5 8 1 0 Meniños R/ Barcelona, 80, baixo Vigo Pontevedra
3 6 5 8 1 1 O Castro Atalaia do Castro, 42 Vigo Pontevedra
3 6 5 8 1 2 O Xardín Gran Vía, 101 Vigo Pontevedra
3 6 5 8 1 3 Os Milagros R/ Portela Interior, 3 Vigo Pontevedra
3 6 5 8 1 4 Pitufos R/ Portela, 50 Vigo Pontevedra
3 6 5 8 1 5 Tartaruga Gran Vía, 175 Vigo Pontevedra
3 6 5 8 1 6 Aceimar Avda. da Ponte, 8 Vigo Pontevedra
3 6 5 8 1 7 Lúa Estrada Camposancos, 250 Vigo Pontevedra
3 6 5 8 1 8 Kidd's Garden Gran Vía, 77 Vigo Pontevedra