A Xunta Electoral Provincial, en reunión do día da data, á vista da delegación efectuada pola Xunta Electoral Central por medio de Instrucción do 10 de febreiro en curso (BOE número 37, do 12 de febreiro), acordou designa-la Comisión de Radio e Televisión en relación coas eleccións ó Congreso dos Deputados e ó Senado convocadas polo Real decreto 100/2004, do 19 de xaneiro, que se celebrará o 14 de marzo, á que conforme dispón o artigo 65.5º da Lei orgánica 5/1985, do 19 de xuño, do réxime electoral xeral, lle corresponde, baixo a dirección desta Xunta Electoral Provincial, efectua-la proposta de distribución de espacios gratuítos de propaganda electoral nos medios de comunicación de titularidade pública de ámbito rexional ou provincial e daqueloutros medios de ámbito similar, que teñan tamén o carácter de públicos.
A Comisión de Radio e Televisión, que se constituirá o vindeiro día 20 dos correntes, ás 17.00 horas, na secretaría desta Xunta Electoral Provincial, estará formada polas seguintes persoas:
Presidente: José Luis Iravedra Lestal, proposto polo Partido Popular.
Vocais: Francisco Suárez Fernández, proposto polo Partido dos Socialistas de Galicia-PSOE, e Lois Obelleiro Piñón, proposto polo Bloque Nacionalista Galego.
A Coruña, 19 de febreiro de 2004.
Cándido Curiel Fernández
Secretario da Xunta Electoral Provincial da Coruña
CONSELLERÍA DE ASUNTOS SOCIAIS, EMPREGO E RELACIÓNS
LABORAIS