O Decreto 200/2003, do 20 de marzo, establece no seu artigo 3.3º como rexistros da Comunidade Autónoma de Galicia as oficinas de rexistro das consellerías, organismos autónomos, entidades de dereito público e demais entes públicos vinculados ou dependentes delas. Cómpre, por tanto, por esta orde, proceder a completa-lo anexo I incluíndo nel o rexistro da Axencia Galega de Desenvolvemento Rural (Agader), ente público vinculado á Consellería de Política Agroalimentaria e Desenvolvemento Rural, así como o Instituto Galego de Artes Escénicas e Musicais (IGAEM), organismo autónomo de carácter comercial vinculado á Consellería de Cultura, Comunicación Social e Turismo.
O Decreto 200/2003, do 20 de marzo, regula tamén, no capítulo II, o funcionamento das oficinas de rexistro propias ou concertadas da Administración da Comunidade Autónoma de Galicia e fai pública a relación das oficinas propias ou concertadas habilitadas para a presentación de solicitudes, escritos e comunicacións. Esta orde incorpora ó anexo II do mencionado decreto as das novas oficinas da Administración local concertadas coa Administración da Comunidade Autónoma de Galicia, recollendo aqueles concellos que se incorporaron ó convenio de colaboración entre a Consellería da Presidencia e Administración Pública e a Fegamp desde a publicación do decreto no Diario Oficial de Galicia o 4 de abril de 2003.
Por outra banda, o Decreto 200/2003, do 20 de marzo, crea o rexistro telemático da Xunta de Galicia, que permite a presentación por vía telemática de solicitudes, escritos e comunicacións. Esta orde inclúe no anexo VII do Decreto 200/2003 os novos procedementos, co fin de continuar impulsando o emprego de técnicas e medios electrónicos, informáticos e telemáticos no desenvolvemento da actividade da Xunta de Galicia e no exercicio das súas competencias.
De conformidade co disposto no artigo 2.2º e disposicións adicional primeira e derradeira primeira, do Decreto 200/2003, do 20 de marzo, polo que se regulan e determinan as oficinas de rexistro propias ou concertadas da Administración da Comu
nidade Autónoma de Galicia, se procede á creación do rexistro telemático da Xunta de Galicia e se regula a atención ó cidadán,
DISPOÑO:
Artigo 1º
Engádense ó anexo I, oficinas de rexistro da Administración da Comunidade Autónoma de Galicia, do Decreto 200/2003, do 20 de marzo, e quedan, pois, habilitadas cos efectos previstos no seu artigo 3.3º, as seguintes:
-Rexistro da Axencia Galega de Desenvolvemento Rural (Agader) sito na avenida do Camiño Francés, 10-baixo, Santiago de Compostela, A Coruña, como rexistro do ente público, vinculado á Consellería de Política Agroalimentaria e Desenvolvemento Rural, Agader.
-Rexistro do Instituto Galego de Artes Escénicas e Musicais (IGAEM), sito no Pavillón de Galicia, San Lázaro s/n, 15703 Santiago e Compostela, A Coruña, como rexistro do organismo autónomo de carácter comercial, vinculado á Consellería de Cultura, Comunicación Social e Turismo, IGAEM.
Artigo 2º
1. Engádense ó anexo II, oficinas de rexistro da Administración local concertadas coa Administración da Comunidade Autónoma de Galicia, do Decreto 200/2003, do 20 de marzo, e quedan pois habilitadas cos efectos previstos no seu artigo 2.2º, as seguintes:
no DOG de rexistro
Provincia Concello Publicación
Inicio
e Salvamento de Valdeorras
de BembriveA Coruña Mesía 14-7-2003 15-7-2003
A Coruña Somozas, As 14-7-2003 15-7-2003
A Coruña Toques 3-2-2004 4-2-2004
Lugo Sarria 14-7-2003 15-7-2003
Lugo Friol 3-2-2004 4-2-2004
Ourense Amoeiro 14-7-2003 15-7-2003
Ourense Carballeda de Avia 14-7-2003 15-7-2003
Ourense Cualedro 14-7-2003 15-7-2003
Ourense Padrenda 14-7-2003 15-7-2003
Ourense Punxín 14-7-2003 15-7-2003
Ourense Consorcio Contraincendios
3-2-2004 4-2-2004
Pontevedra Campo Lameiro 14-7-2003 15-7-2003
Pontevedra Entidade Local Menor
14-7-2003 15-7-2003
Pontevedra Arbo 3-2-2004 4-2-2004
Pontevedra Mondariz 3-2-2004 4-2-2004
Artigo 3º
1. Inclúense no anexo VII do Decreto 200/2003, do 20 de marzo (procedementos para os que está habilitado o rexistro telemático da Xunta de Galicia), e quedan pois hablilitados cos efectos previstos no seu artigo 5.1º, os seguintes procedementos:
-Reencontros das persoas de orixe galega residentes no estranxeiro coas súas familias e a súa terra. Modalidade acción directa.
-Reencontros das persoas de orixe galega residentes no estranxeiro coas súas familias e a súa terra. Modalidade axudas para viaxes.
-Axudas asistenciais individuais a emigrantes galegos.
-Actividades de campamento do «Rutas Coñece Galicia».
-Programa de prestación por fillo a cargo.
-Solicitude do título de familia numerosa.
-Bolsas de colaboración para proxectos de Investigación no centro Ramón Piñeiro para a investigación en Humanidades.
-Bolsas para estadías de persoal de centros de estudios galegos de fóra no centro Ramon Piñeiro para Investigación en Humanidades.
2. Os procedementos para a tramitación electrónica estarán dispoñibles no enderezo http://www.xunta.es/servicios/
Disposición derradeira
Esta orde entrará en vigor o mesmo día ó da súa publicación no Diario Oficial de Galicia.
Santiago de Compostela, 16 de febreiro de 2004.
Jaime Pita Varela
Conselleiro da Presidencia, Relacións
Institucionais e Administración Pública
CONSELLERÍA DA PRESIDENCIA, RELACIÓNS INSTITUCIONAIS
E ADMINISTRACIÓN PÚBLICA