Advertidos erros na citada resolución, publicada no Diario Oficial de Galicia número 19, do 29 de xaneiro de 2004, cómpre face-las oportunas correccións.
No anexo I na base 2. Destinatarios do curso xestor de bases de datos relacionais, onde di: «Funcionarios de Administración local pertencentes ós grupos A e B», debe dicir: «Persoal de corporacións locais da Comunidade Autónoma galega».
No anexo I na base 2. Destinatarios do curso folla de cálculo avanzado. Microsoft excel, onde di: «Funcionarios da Administración local pertencentes ós grupos A e B», debe dicir: «Persoal de corporacións locais da Comunidade Autónoma galega».
Deberá aparecer unha base sexta.-Valoración, que diga: para os efectos do establecido na resolución do INAP, do 26 de outubro de 1994, BOE nº 267, do 8 de abril, e corrección de erros, BOE nº 311, do 29 de decembro, pola que se establecen os criterios de recoñecemento e valoración dos cursos de Administración local en cumprimento do establecido na orde do Ministerio para as Administracións Públicas do 10 de agosto de 1994, a estes cursos outorgaráselles unha puntuación de 0,20 puntos.
CONSELLERÍA DE XUSTIZA, INTERIOR E ADMINISTRACIÓN
LOCAL