O artigo 6 do Decreto 294/1992, do 10 de setembro, modificado polo Decreto 1/1995, do 12 de xaneiro

(DOG nº 9, do 13 de xaneiro) e 319/1996, do 26 de xullo (DOG nº 153, do 6 de outubro) polo que se regula o diploma de directivo, establece que a comisión que efectúa a selección dos aspirantes a participar no curso para a obtención do citado diploma estará integrada, entre outros membros, por un profesor das universidades de Galicia e por un funcionario que estea en posesión do diploma de directivo. En virtude do anterior,

DISPOÑO:

Artigo único.-Designar como vocais da comisión que levará a cabo a selección dos participantes no curso para a obtención do diploma de directivo, convocado mediante resolución do director da Escola Galega de Administración Pública, do 10 de decembro de 2003, as seguintes persoas:

-María Teresa Carballeira Rivera, profesora titular de dereito administrativo da Universidade de Santiago de Compostela.

-Manuel Martínez Oubiña, secretario xeral da Consellería de Xustiza, Interior e Administración Local.

Santiago de Compostela, 29 de xaneiro de 2004.

Domingo Bello Janeiro

Director da Escola Galega de Administración

Pública