DOG 27 do 09/02/2004 - ORDE do 29 de xaneiro de 2004 pola que se designan tres vocais da comisión de selección dos participantes no curso para a obtención do diploma de directivo, convocado mediante resolución do director da Escola Galega de Administración Pública do 10 de decembro de 2003.

III. OUTRAS DISPOSICIÓNS

CONSELLERÍA DA PRESIDENCIA, RELACIÓNS INSTITUCIONAIS E ADMINISTRACIÓN PÚBLICA

ORDE do 29 de xaneiro de 2004 pola que se designan tres vocais da comisión de selección dos participantes no curso para a obtención do diploma de directivo, convocado mediante resolución do director da Escola Galega de Administración Pública do 10 de decembro de 2003.

O artigo 6 do Decreto 294/1992, do 10 de setembro, modificado polo Decreto 1/1995, do 12 de xaneiro (DOG nº 9, do 13 de xaneiro) e 319/1996, do 26 de xullo (DOG nº 153, do 6 de outubro) polo que se regula o diploma de directivo, establece que a comisión que selecciona os aspirantes a participar no curso para a obtención do citado diploma estará integrada, entre outros membros, por tres vocais designados polo conselleiro da Presidencia e Administración Pública. En virtude do anterior,

DISPOÑO:

Artigo único.-Designar como vocais da comisión que levará a cabo a selección dos participantes no curso para a obtención do diploma de directivo, convocado mediante resolución do director da Escola Galega de Administración Pública, do 10 de decembro de 2003, as seguintes persoas:

-Jaime Bouzada Romero, inspector xeral de Servicios da Xunta de Galicia.

-Alfonso Rueda de Valenzuela, director xeral de Administración local.

-José Ramón Lete Lasa, director xeral para o Deporte.

Santiago de Compostela, 29 de xaneiro de 2004.

Jaime Pita Varela

Conselleiro da Presidencia, Relacións

Institucionais e Administración Pública