Dentro dos programas de actividades que a Academia Galega de Seguridade ten previsto realizar no ano 2004, e conforme as funcións atribuídas pola Lei 4/1992, do 9 de abril, de creación da Academia Galega de Seguridade, anúnciase a realización dun curso de inglés policial básico, que se deberá desenvolver conforme as seguintes bases:

Obxectivos.

-Ser capaz de preguntar, tomar datos persoais, comprende-las preguntas e dar información sobre enderezos.

-Saber dar instruccións, explicar trámites, e indica-la obrigatoriedade ou prohibición de algo.

-Coñece-lo xeito de preguntar, obter información nun accidente de tráfico, dirixirse a un conductor

en caso de infracción, e pedir, comprender e dar descrición de obxectos, persoas e situacións.

Destinatarios.

Membros dos corpos das policías locais de Galicia, sen coñecementos previos de inglés, ou moi básicos, que desenvolvan o seu labor en zonas turísticas ou relacionadas co Camiño de Santiago.

Inscrición.

A inscrición dos participantes será totalmente gratuíta.

Prazas.

O número de prazas que se ofertan neste curso é de 27.

Solicitudes.

1. O persoal que desexe participar neste curso deberá presentar, cuberta á máquina ou con letra moi clara, a instancia que figura no anexo.

2. O prazo para a presentación de instancias rematará o día 27 de febreiro, ás 14.00 horas.

3. As instancias deberán enviarse á sede da Academia Galega de Seguridade: avenida da Cultura, s/n, 36680 A Estrada, ou ben poden entregarse en calquera dos lugares previstos no artigo 38.4º da Lei 30/1992, do 26 de novembro, de réxime xurídico das administracións públicas e do procedemento administrativo común.

Datas e horario.

O curso desenvolverase durante os seguintes días: 17, 18, 24, 25 e 31 de marzo e 1, 14, 15, 21, 22, 28 e 29 de abril, en horario de 17.00 a 20.20 horas, cunha duración de 40 horas lectivas.

Relación de admitidos.

A relación de admitidos a este curso publicarase o 16 de marzo a partir das 12.30 horas, no taboleiro de anuncios da Academia Galega de Seguridade,

ou ben poden confirma-la súa asistencia chamando ó teléfono 986 59 00 21.

Lugar.

O curso desenvolverase na sede da Academia Galega de Seguridade.

Certificado de aproveitamento.

Ó remate do curso entregaráselles un certificado de aproveitamento a aquelas persoas que acrediten a súa participación continuada a el e superen as correspondentes probas de coñecementos.

Modificacións.

A Academia Galega de Seguridade poderá modifica-lo desenvolvemento do curso para adaptalo ás necesidades da Administración e ás continxencias que poidan xurdir.

A Estrada, 29 de xaneiro de 2004.

Juan José Fariñas-Ferro Rodríguez

Director xeral da Academia Galega de Seguridade