Examinado o expediente presentado por Luciano Moreira Carracedo, en representación do Patronato Nuestra Señora del Carmen, titular do centro privado Nuestra Señora del Carmen de Fisterra, no que solicita o cambio de titularidade do dito centro privado.
Resultando que, mediante escritura pública notarial, o Patronato Nuestra Señora del Carmen lle cede a súa titularidade, para tódolos efectos, á Asociación de Cooperadores Nuestra Señora del Carmen.
Resultando que o referido centro docente ten a correspondente autorización para impartir ensinanzas.
Vistos o Decreto 133/1995, do 10 de maio (DOG do 22), sobre autorización de centros docentes privados para impartir ensinanzas de réxime xeral non universitarias, e a Orde do 20 de setembro de 1995 (DOG do 15 de decembro) que o desenvolve.
Considerando que se cumpriron neste expediente os requisitos esixidos pola normativa vixente nesta materia.
Esta consellería, por proposta da Dirección Xeral de Centros e Ordenación Educativa,
DISPÓN:
Autoriza-lo cambio de titularidade do centro privado Nuestra Señora del Carmen de Fisterra (A Coruña), código 15007230, a favor de Asociación de Cooperadores Nuestra Señora del Carmen, con tódolos dereitos e obrigas contraídos polo cesionista Patronato Nuestra Señora del Carmen, sen prexuízo das responsabilidades que poidesen recaer sobre o anterior titular do centro por actos ou omisións realizados antes do cambio de titularidade que se autoriza.
O cambio de titularidade non afectará o réxime de funcionamento do centro.
Santiago de Compostela, 12 de xaneiro de 2004.
Celso Currás Fernández
Conselleiro de Educación e Ordenación Universitaria