Advertidos erros na devandita orde publicada no Diario Oficial de Galicia nº 234, do 2 de decembro de 2003, cómpre face-las oportunas correccións:

Na páxina 14.783, no artigo 6, onde di:

«Conforme o establecido no artigo 9 do Decreto 287/2000, do 21 de novembro, polo que se desenvolve o réxime de axudas e subvencións públicas da Comunidade Autónoma galega, a valoración das sión constituída para o efecto, que estará presidida polo director xeral de Industria, Enerxía e Minas ou a persoa na que delegue. Constituirana ademais o subdirector xeral de Administración Industrial, o xefe de servicio de Administración Industrial que actuará como secretario, e os delegados provinciais da Consellería de Innovación, Industria e Comercio ou as persoas nas que estes últimos deleguen».

Debe dicir:

«Conforme o establecido no artigo 9 do Decreto 287/2000, do 21 de novembro, polo que se desenvolve o réxime de axudas e subvencións públicas da Comunidade Autónoma galega, a valoración das solicitudes admitidas será realizada por unha comisión constituída para o efecto, que estará presidida polo director xeral de Industria, Enerxía e Minas ou a persoa en que delegue. Constituirana ademais o subdirector xeral de Administración Industrial, o xefe de servicio de Administración Industrial que actuará como secretario, e os delegados provinciais da Consellería de Innovación, Industria e Comercio ou as persoas en que estes últimos deleguen».

Na páxina 14.783, no artigo 6º, onde di:

«Nos supostos B e D das actuacións subvencionables sinaladas no artigo 4 desta orde, emitirase informe previo á resolución por parte do Instituto Enerxético de Galicia».

Debe dicir:

«No suposto B das actuacións subvencionables sinaladas no artigo 3º desta orde, emitirase informe previo á resolución por parte do Instituto Enerxético de Galicia».

Na páxina 14.784, no artigo 9º parágrafo 3º, onde di:

«Para as subvencións de capital superiores ós 6.101,21 euros».

Debe dicir:

«Para as subvencións de capital superiores ós 60.101,21 euros».