O mosteiro de Sobrado dos Monxes acordou cederlle á Comunidade Autónoma de Galicia, a título gratuíto, o dereito real de usufructo da lagoa e a canle saguatoria que chega ata a entrada do edificio do mosteiro, segundo consta nos escritos con datas do 27 de febreiro e 21 de abril de 2003, para a conservación, ordenación e mantemento do ecosistema lacustre.
A Secretaría Xeral e do Patrimonio tramitou o correspondente expediente de aceptación de cesión, de conformidade co disposto nos artigos 16, 17 e 23 da Lei 3/1985, do 12 de abril, do patrimonio da Comunidade Autónoma de Galicia e 33, 34 e 38 do Decreto 50/1989, do 9 de marzo, polo que se aproba o regulamento para a execución da dita lei.
Na súa virtude, por proposta do conselleiro de Economía e Facenda, feita nos termos nos que o mosteiro de Sobrado dos Monxes acordou a cesión e logo de deliberación do Consello da Xunta de Galicia na súa reunión do día vinteseis de decembro de dous mil tres,
DISPOÑO:
Artigo 1º
Acéptase a cesión, feita polo mosteiro de Sobrado dos Monxes, a título gratuíto, por trinta anos, do dereito real de usufructo da lagoa e a canle saguatoria ata a entrada do edificio do mosteiro, situadas no termo municipal de Sobrado (A Coruña).
Os ditos bens figuran inscritos a nome do mosteiro de Sobrado dos Monxes no Rexistro da Propiedade de Arzúa, no tomo 180, do libro 11 de Sobrado, folio 35, número 893.
Artigo 2º
O fin da cesión, a título gratuíto, do usufructo dos citados bens é o da conservación, ordenación e mantemento do ecosistema lacustre.
Artigo 3º
A Consellería de Economía e Facenda, a través da Secretaría Xeral e do Patrimonio, procederá á formalización da cesión no correspondente documento público e á inscrición do dereito real no Rexistro da Propiedade a nome da Comunidade Autónoma de Galicia.
Disposición derradeira
A Consellería de Economía e Facenda, a través da Secretaría Xeral e do Patrimonio, levará a cabo
tódolos trámites necesarios para a efectividade deste decreto.
Santiago de Compostela, vinteseis de decembro de dous mil tres.
Manuel Fraga Iribarne
Presidente
José Antonio Orza Fernández
Conselleiro de Economía e Facenda
