A Consellería de Educación e Ordenación Universitaria, por Orde do 2 de xuño de 2003 (DOG do 27 de xuño), convocou premios a experiencias e proxectos de promoción de conductas tolerantes ou mellora da convivencia realizados por profesores de centros públicos da Comunidade Autónoma de Galicia dentro do marco de impulso á adquisición de hábitos de convivencia democrática e de respecto mutuo, co fin de prepara-las persoas para a participación responsable nas distintas actividades e instancias sociais.
Segundo o disposto no artigo 5 da devandita orde, o día 4 de novembro de 2003 constituíuse o xurado encargado de avalia-los traballos presentados, procedendo á súa valoración e levantándose na mesma data acta da proposta de concesión de premios, que se elevou ó conselleiro para a súa aprobación e publicación no Diario Oficial de Galicia.
En consecuencia co anteriormente exposto, a Consellería de Educación e Ordenación Universitaria
DISPÓN:
Primeiro.-Concede-los premios a experiencias e proxectos de promoción de conductas tolerantes ou mellora da convivencia realizados por profesorado de centros públicos dependentes da Consellería de Educación e Ordenación Universitaria convocados pola Orde do 2 de xuño de 2003 (DOG do 27 de xuño) ós traballos e profesores que se relacionan no anexo á presente orde.
Segundo.-Contra esta resolución, que lle pon fin á vía administrativa, os interesados poderán interpor recurso potestativo de reposición perante o conselleiro de Educación e Ordenación Universitaria no prazo dun mes, contado a partir do día seguinte ó da súa publicación no Diario Oficial de Galicia, segundo o disposto nos artigos 116 e 117 da Lei 4/1999, de modificación da Lei 30/1992, de réxime xurídico das administracións públicas e do procedemento administrativo común, ou ben directamente o recurso contencioso-administrativo, no prazo de dous meses, perante o Tribunal Superior de Xustiza de Galicia.
Disposición derradeira
A presente orde entrará en vigor a partir do día seguinte ó da súa publicación.
Santiago de Compostela, 10 de decembro de 2003.
Celso Currás Fernández
Conselleiro de Educación e Ordenación Universitaria
ANEXO
Premios a experiencias e proxectos de promoción
de conductas tolerantes ou mellora da convivencia
-Primeiro premio: 4.000 euros:
Título: Nas aulas, hoxe.
Coord.: Pilar Fernández Illán.
Centro: IES Becerreá.
Enderezo: Castelo, s/n.
Localidade: 27640 Becerreá, Lugo.
-Segundo premio: 2.500 euros:
Título: Pola tolerancia 10.
Coord.: Xosé Amancio Liñares Giraut.
Centro: IES Terra do Xallas.
Enderezo: Rosalía de Castro, s/n.
Localidade: 15840 Santa Comba, A Coruña.
-Dous terceiros premios: 1.250 euros cada un:
Título: Formación para a non discriminación.
Coord.: Ana I. Valdés Fernández.
Centro: IES Nº1 de Ribeira.
Enderezo: Avda da Coruña, 170.
Localidade: 15960 Ribeira, A Coruña.
Título: Experiencia de mellora da convivencia.
Coord.: Carlos Miranda Armada.
Centro: CEIP M. Fraga Iribarne.
Enderezo: A Solana, s/n.
Localidade: 15360 Cariño, A Coruña.