A Lei 1/1989, do 2 de xaneiro, de creación do Servicio Galego de Saúde, no seu artigo 4, regula as competencias que lle corresponden á Consellería de Sanidade e, entre elas, na letra m) atribúelle a inspección sanitaria do Sergas, sen prexuízo das competencias da Consellería da Presidencia e Administración Pública.

O Decreto 126/1992, do 14 de maio, sobre ordenación das funcións de Inspección da Comunidade Autónoma de Galicia refrenda estas atribucións e establece:

O desenvolvemento das actividades encomendadas á Inspección Sanitaria pola lexislación vixente en materia de accidentes de traballo, enfermidades profesionais, incapacidade temporal, empresas colaboradoras coa Seguridade Social, mutuas aseguradoras, caixas de urxencias, servicios médicos dos servicios de prevención das empresas.

A necesidade de avalia-la actuación dos centros, servicios e establecementos sanitarios tanto desde o punto de vista da calidade da asistencia prestada, como do gasto realizado e do grao de cumprimento dos obxectivos que se lles marquen ós centros.

O exercicio da tutela, control e avaliación eficiente sobre tódolos centros, servicios e establecementos e prestacións sanitarias de titularidade pública ou privada da Comunidade Autónoma de Galicia.

A inspección e control de todos aqueles aspectos de atención sanitaria recollidos como dereitos dos usuarios na Lei xeral de sanidade.

O Decreto 44/2002, do 8 de febreiro, estipula que á Inspección Sanitaria lle corresponde o exercicio das actuacións de Inspección no relativo ós centros, servicios e establecementos sanitarios públicos e privados que desempeñen a súa actividade no ámbito da Comunidade Autónoma, así como, neste contexto, a avaliación das súas actividades con especial atención ás prestacións do sistema sanitario público.

Este decreto establece así mesmo que á Inspección Sanitaria lle corresponde a acreditación de centros, establecementos e servicios sanitarios na Comunidade Autónoma de Galicia.

Tendo en consideración o exposto, e que para levar a cabo as actividades de inspección é imprescindible dispoñer dos recursos humanos suficientes e con formación adecuada, utilizaranse de maneira integral e coordinadamente tódolos efectivos dos que poida dispoñe-la Consellería de Sanidade co fin de cumprir adecuadamente os obxectivos fixados.

O Plan de Inspección Sanitaria para o ano 2004 elaborouse seguindo unha liña continuista e de consolidación das actividades reflectidas nos plans de

inspección sanitaria dos últimos anos. Igualmente se tiveron en conta os cambios producidos e as novas tendencias que xurdan no ámbito da actividade sanitaria, orientándose así mesmo cara a un papel incentivador e de colaboración ó mesmo tempo respecto ós cometidos de xestión que lle competen ó Servicio de Saúde.

As actividades da Inspección Sanitaria de forma global deben contemplarse como garantía da eficacia-eficiencia do sistema sanitario.

Na actualidade continúa tendo unha importancia e relevancia transcendentais a loita contra a fraude, centrada especialmente no control da incapacidade temporal e na prestación farmacéutica, evitando dese modo as posibles desviacións que poidan producirse nestas prestacións básicas. Así mesmo, neste punto e pola crecente tendencia alcista producida nos últimos anos, procede incrementa-las actuacións específicas de control e seguimento da incapacidade temporal nos colectivos de persoal dos centros propios do Sergas e da Xunta de Galicia.

Por outra banda, de conformidade co establecido no artigo 10 do Decreto 44/2002, do 8 de febreiro, polo que se establece a estructura orgánica dos servicios centrais da Consellería de Sanidade, e co obxecto de conformar un marco xeral aplicable a tódalas funcións de inspección atribuídas a esta consellería, resulta conveniente seguir incluíndo, tal e como xa se fixo nos cinco últimos anos, nesta orde, un epígrafe específico dedicado á inspección no ámbito da saúde pública.

Por todo eso, conforme o establecido no artigo 5 do Decreto 126/1992, do 14 de maio, sobre ordenación das funcións de Inspección de Servicios Sanitarios e no artigo 10 do Decreto 44/2002, do 8 de febreiro, por proposta do secretario xeral,

DISPOÑO:

Artigo único.-Aprobase o Plan de Inspección Sanitaria para o ano 2004, que figura como anexo á presente orde.

Os servicios de Inspección Sanitaria das direccións provinciais do Sergas remitirán, antes do 31 de xaneiro do ano 2005 á Secretaría Xeral da Consellería de Sanidade, a memoria anual das actividades dos seus respectivos ámbitos competenciais; esta memoria anual de actividades da Inspección Sanitaria correspondente ó ano 2004 confeccionarase de acordo cos resultados obtidos respecto das actuacións incluídas no Plan que se aproba.

Santiago de Compostela, 22 de decembro de 2003.

José María Hernández Cochón

Conselleiro de Sanidade

ANEXO

I.-Ámbito da incapacidade temporal (IT) e da saúde laboral.

Actuacións incluídas no Programa específico de reducción da taxa global de absentismo por IT

(T.G.A.) do persoal de centros propios do Sergas, e aplicación, adecuación e seguimento das medidas de optimización deste programa.

Optimización e consolidación do sistema de información do aplicativo do IT no relativo ó mantemento correctivo e evolutivo das aplicacións de soporte operacional do sistema de análise complexa, implementando informes predefinidos, informes dinámicos e consultas nas explotacións do aplicativo de IT.

Seguimento da implantación gradual do proceso de informatización da formalización polos prescritores dos partes de baixa/alta/confirmación, con funcionalidades para seguimento dos procesos nos centros de saúde, de comunicación con Inspección, e de remisión on-line de partes de baixa/alta ó INSS.

Control e seguimento da adecuada formalización polos prescritores dos partes de baixa/alta/confirmación e dos informes trimestrais regulamentarios, e seguimento e control da transmisión telemática de partes de baixa/alta ó INSS.

Consolidación do desenvolvemento das actuacións de seguimento derivadas das funcións dos coordinadores de IT das Xerencias de Atención Primaria e potencia-la colaboración con estes coordinadores por parte das Unidades de Saúde Laboral do Sergas.

Establecer conxuntamente coas Xerencias de Atención Primaria, os sistemas de control e xestión documental da IT por parte dos facultativos prescriptores.

Realización de cursos de formación dirixidos a médicos de Atención Primaria para a actualización na xestión, seguimento e control da incapacidade temporal (6ª fase-53 edicións, 530 facultativos).

Aplicación e seguimento do Convenio de control sanitario de IT, subscrito pola Comunidade Autónoma co INSS, no marco do financiamento dos servicios sanitarios.

Subprograma específico de reducción da taxa global de absentismo (T.G.A.) do persoal da Xunta de Galicia.

Subprograma de reducción da taxa global de absentismo (T.G.A.) da poboación en xeral.

Desenvolvemento de actividades dirixidas á optimización da prescrición, no relativo á formalización da documentación clínico-laboral e indicadores mediante entrevistas e remisión de información ós facultativos de Atención Primaria, priorizándose as entrevistas cos facultativos que presenten desviacións nos seus indicadores.

Responder nos prazos legais establecidos ó 100% das propostas de alta emitidas polas entidades xestoras e ó 100% das intencións de alta regulados no R.D. 1117/1998.

Tramitación e contestación do 100% das reclamacións de empresas relacionadas cos procesos de IT dos seus traballadores.

Selección e revisión de tódolos procesos de I.T. ó alcanza-la duración estándar e revisión e informe de tódolos procesos nos prazos regulamentariamente establecidos.

Seguimento da carteira de servicios que no futuro se concerte coas mutuas ou outras entidades interesadas no control da IT.

Seguimento e canalización dos acordos que se subscriban entre o Sergas e o INSS para a realización de probas diagnósticas e informes médicos.

Verificación do mantemento das condicións de autorización sanitaria nos servicios de prevención das empresas que teñen concedida a asistencia médico-farmacéutica.

Estudio, deseño e implantación dun sistema de información e análises dos informes e memorias de absentismo por continxencias comúns dos servicios de prevención das empresas.

Inspección dos servicios asistenciais e das condicións de funcionamento de tódolos servicios sanitarios das mutuas de accidente de traballo e enfermidade profesional da Seguridade Social da Comunidade Autónoma destinadas a atende-los pacientes accidentados ou enfermos por continxencias de tipo laboral. Elaboración dun protocolo unificado para a Comunidade Autónoma para levar a cabo estas inspeccións.

Inspección dos servicios asistenciais das empresas colaboradoras da Seguridade Social.

Consolidación do Programa de inspección e avaliación en materia de prevención de riscos laborais na especialidade de medicina do traballo:

a) Servicios de prevención alleos (tanto mutuas de accidentes de traballo e enfermidades profesionais como outras entidades).

Verificación do mantemento das condicións de autorización sanitaria.

Avaliación da actividade sanitaria desenvolvida.

Subprograma especial de verificación da non subcontratación da actividade sanitaria básica.

b) Servicios de prevención propios.

Continuación e finalización da elaboración dun censo de servicios de prevención propios existentes na Comunidade Autónoma, coa colaboración da Inspección de Traballo.

Verificación do mantemento das condicións de autorización sanitaria.

Avaliación da actividade sanitaria desenvolvida.

Avaliación das correspondentes auditorías preceptivas que teñen que ser realizadas para a súa aprobación, nestes servicios de prevención e que conten coa especialidade de Medicina do Traballo (vixilancia da saúde).

c) Realización das inspeccións e informes de actividades sanitarias dos servicios de prevención, tanto propios como alleos, para a súa autorización sanitaria. Fíxase en 15 días como máximo o prazo para emitir estes informes por parte das Unidades de Saúde Laboral.

d) Establecer sistemas de xestión e coordinación dos servicios de prevención coa rede asistencial pública: rexistro de servicios, dotación dos servicios, sistema de información sanitaria dos servicios e coordinación destes coa Administración sanitaria e Sergas.

II.-Ámbito da prestación farmacéutica.

Inspección e control das receitas oficiais facturadas polos colexios oficiais de farmacéuticos de Galicia, en execución do concerto vixente para a prestación farmacéutica entre o Servicio Galego de Saúde e as oficinas de farmacia legalmente establecidas na Comunidade Autónoma.

Verificación da presencia e actuación profesional de persoal farmacéutico nas oficinas de farmacia abertas ó público, tanto en horario ordinario, como en horario ampliado e servicios de urxencia.

Comprobación da adaptación das oficinas e servicios de farmacia ós niveis de elaboración establecidos de acordo coas normas de correcta elaboración e control de calidade de fórmulas maxistrais e preparados oficinais, así como inspección das oficinas e servicios de farmacia que soliciten autorización para a elaboración e control de calidade por terceiros.

Comprobación do funcionamento dos servicios de farmacia e depósitos de medicamentos de centros hospitalarios e de asistencia social privados.

Inspección e control das normas de correcta fabricación industrial de medicamentos de uso humano e das prácticas de correcta distribución, nos laboratorios farmacéuticos e centros de distribución de medicamentos e productos sanitarios instalados en Galicia.

Participación nas campañas de control de calidade de medicamentos da Axencia Española de Medicamentos e Productos Sanitarios, para a verificación dos estándares de calidade fixados na autorización de comercialización das especialidades farmacéuticas.

Participación nas actividades programadas pola Axencia Española de Medicamentos e Productos Sanitarios, en relación coa inspección de boas prácticas clínicas, de farmacovixilancia e laboratorio.

Control e seguimento do 100% das receitas de dose unitaria.

Control e seguimento do 100% das receitas correspondentes á formulación maxistral co obxecto de verifica-la concordancia entre o nivel de elaboración e a fórmula facturada.

Control e seguimento das entregas de talonarios ós facultativos médicos da Seguridade Social co obxecto de que estas sexan axustadas ás cotas establecidas.

Simplificación dos trámites administrativos en relación coa tramitación dos expedientes de reintegro de gastos de productos farmacéuticos, en especial daqueles que teñan carácter reiterado.

Elaboración de procedementos normalizados de traballo de «Distribución de talonarios de receitas», «Revisión de receitas e tramitación das diferencias detectadas» e «Tramitación de expedientes de reintegro de gastos de productos farmacéuticos».

Revisión e adaptación da circular 5/2001, do 3 de outubro, de autorización de uso de receitas oficiais do Sergas.

Estudio e avaliación da situación actual do reintegro de gastos de productos farmacéuticos (circular do 6 de setembro de 2000, da Secretaría Xeral da Consellería de Sanidade).

III.- Ámbito de concertos.

Realización nunha mostra de centros concertados dun informe sobre o cumprimento da Lei 41/2002, sobre o contido da historia clínica de pacientes enviados a centros concertados.

Posta en marcha e seguimento dun sistema de información sobre a actividade realizada nos centros concertados.

Estudio retrospectivo das derivacións realizadas no ano 2003 por centro de orixe, servicio, hospital de destino e servicio, nas catro provincias da Comunidade Autónoma.

Posta en marcha do dispositivo necesario para a aplicación da circular 6/2003, nas catro provincias da Comunidade Autónoma.

Control e seguimento da prestación de servicios socio-sanitarios concertados nas Áreas de Saúde de Pontevedra e Vigo.

Control e seguimento dos concertos establecidos na Área de Saúde de Pontevedra para:

Realización de procesos asistenciais médico-cirúrxicos derivados do Complexo Hospitalario de Pontevedra.

Realización de procesos asistenciais médicos en pacientes do Complexo Hospitalario de Pontevedra.

Control e seguimento dos concertos establecidos na Área de Saúde de Pontevedra Sur para a realización de procesos asistenciais médico-cirúrxicos a pacientes da Seguridade Social protexidos polo Servicio Galego de Saúde.

Control e seguimento da actividade e facturación das prestacións sanitarias derivadas a centros concertados para tratamentos de fisioterapia, logopedia, atención temperá e a discapacitados por enfermidades neurolóxicas, hemodiálises e diálises peritoneal ambulatoria continua, terapia respiratoria a domicilio na provincia de Pontevedra.

Avaliación da calidade asistencial nos centros concertados da provincia de Pontevedra a través da análise da historia clínica e do estudio da formalización do consentimento informado.

Control e seguimento do contrato-programa entre o Servicio Galego de Saúde e a Fundación Pública Hospital do Salnés para a prestación de asistencia sanitaria a beneficiarios da Seguridade Social.

Control e seguimento do convenio entre o Servicio Galego de Saúde e a Sociedade Pública Autonómica Instituto Galego de Medicina Técnica (Medtec).

Control e seguimento do Concerto Singular do 29 de decembro de 2000, establecido entre o Servicio Galego de Saúde e o Policlínico Vigo, S.A. (Povisa), para a prestación de asistencia sanitaria especializada ós beneficiarios da Seguridade Social.

Organización das listas de espera e control de calidade na prestación de logopedia e cirurxía maxilofacial concertada na provincia de Ourense.

Control e seguimento das derivacións, demoras e intervencións realizadas polos especialistas de cota nos centros concertados de POLUSA e NSOG.

Estudio das derivacións de pacientes desde o Servicio de Urxencias do Complexo Hospitalario Xeral-Calde a centros concertados de Lugo durante o primeiro trimestre do ano.

Seguimento e control da calidade dos servicios prestados en centros concertados da provincia de Ourense no que respecta á inclusión do consentimento informado na historia clínica, á codificación dos informes de alta e na inclusión na historia clínica do protocolo de seguimento das úlceras de presión.

Programa especial de seguimento dos seguintes concertos singulares:

Fundacións públicas.

Povisa.

Medtec.

Hospital Xeral de Ferrol.

Centro Oncolóxico de Galicia.

Incluíndo de forma específica a designación dun responsable das unidades de concertos das direccións provinciais do Sergas para efectuar este seguimento e o deseño de protocolos para a avaliación e o seguimento dos contratos-concertos.

IV.-Ámbito das prestacións sanitarias, incluíndo a tutela dos dereitos dos usuarios e a mellora da calidade asistencial.

Continua-lo programa especial de inspeccións periódicas dos vehículos de ambulancias, incluídas no novo modelo de transporte sanitario programado, co obxecto de comproba-lo cumprimento dos requisitos contidos na normativa vixente. Análise dos resultados obtidos tralas inspeccións realizadas.

Realización dun programa de inspección específico do transporte sanitario non urxente que inclúa as seguintes actuacións:

Inspección dos vehículos de transporte sanitario á súa chegada ós centros sanitarios rexistrando a hora de chegada.

Identificación do vehículo e rexistro de se leva axudante de conductor e relación de persoas trasladadas.

Identificación da persoa trasladada e para cada unha delas se leva acompañante, condicións nas que chega (en padiola, cadeira de rodas, con soporte terapéutico, non deambula autosuficientemente, deambula autosuficientemente aínda que utilice muletas) e a xuízo do inspector se a persoa require transporte sanitario segundo os preceptos da normativa vixente.

Finaliza-la posta en funcionamento do programa informático de transporte sanitario programado. Implica-las empresas de transporte sanitario programado e os centros sanitarios na implantación deste programa informático, no transcurso do primeiro semestre do ano 2004.

Avaliación da calidade do transporte sanitario non urxente, tanto individual como colectivo, mediante a explotación dos datos recollidos no programa informático, verificando a correcta formalización e correspondencia dos datos e posterior análise destes.

Avaliación da calidade do transporte sanitario non urxente, mediante a realización de enquisas ós usuarios e visitas de inspección, para verifica-lo cumprimento da prescrición en canto a horarios e tipo de transporte.

Continua-lo contacto periódico cos servicios e médicos prescritores do transporte sanitario programado para o óptimo cumprimento da programación do servicio.

Continuar coa avaliación do grao de cumprimento ó longo do ano 2004 da nova circular de transporte sanitario non urxente (Circular 4/2002).

Control e seguimento por parte de tódalas direccións provinciais do Sergas das facturacións dos servicios de transporte sanitario.

Consolidación dos protocolos de actuación elaborados durante o ano 2003 conxuntamente por parte da Inspección Sanitaria-Servicios de Neumoloxía e hospitalización a domicilio dos hospitais do Sergas para control dos pacientes con terapias respiratorias domiciliarias na provincia de Pontevedra.

Continuación e seguimento do programa de control do grao de cumprimento por parte dos pacientes dos tratamentos domiciliarios con terapias respiratorias na Comunidade Autónoma. Desenvolvemento dun programa informático para a base de datos de pacientes con terapias respiratorias domiciliarias.

Análise do gasto en terapias respiratorias, comprobando o grao de adecuación nos criterios de indicación en osixenoterapia domiciliaria.

Establecer un calendario de reunións periódicas coas xerencias de primaria e especializada co fin de solventa-los problemas que poidan xurdir en relación coas prestacións complementarias, nas direc

cións provinciais do Sergas da Comunidade Autónoma.

Continuación e finalización do estudio e análise funcional, sanitario económico das próteses cirúrxicas fixas en tódolos hospitais, tanto os propios do Sergas como os concertados.

Continuación da posta en marcha na Comunidade Autónoma dun protocolo de procedemento de tramitación de reclamacións asistenciais.

Rexistro das reclamacións verbais presentadas nas direccións provinciais do Sergas, tratamento delas por materias e motivo que as orixinou.

Contestar ó 100% das reclamacións asistenciais presentadas nas direccións provinciais do Sergas nun prazo de tempo non superior a 15 días.

Formación dun grupo de traballo de ámbito provincial, coa participación de tódolos centros hospitalarios, así como da Xerencia de Atención Primaria, co obxectivo de elaborar e implantar protocolos homoxéneos de actuación na xestión das reclamacións asistenciais, nas catro direccións provinciais do Sergas da Comunidade Autónoma.

Avaliación e seguimento do gasto e da prescrición da prestación ortoprotésica nos diferentes centros sanitarios nas catro direccións provinciais do Sergas.

Continuación do Programa especial de redistribución ós usuarios de cadeiras de rodas devoltas.

Continuar coa axilización da conformación das facturas da prestación ortoprotésica ata alcanza-la súa actualización mensual e manter esta actualización ó longo de todo o ano 2004.

Completa-lo deseño dun manual de organización e funcionamento dos servicios de inspección e asistencia sanitaria no que se conteñan as tarefas, os protocolos e os procedementos de actuación nas funcións do servicio e unidades dependentes; comezando no ano 2004, polas actividades propias do servicio: xestión das reclamacións asistenciais e tramitación das reclamacións patrimoniais, informacións previas, autorización de centros, servicios e establecementos sanitarios e reintegros de gastos pola asistencia sanitaria na medicina privada.

Completa-lo deseño de circuítos e pautas de actuación uniformes para a atención dos usuarios que acudan ás instalacións dependentes do Servicio de Inspección e Asistencia Sanitaria das direccións provinciais do Sergas a solicitar información, actuacións, ou presentar algunha queixa oral, co obxecto de garanti-los seus dereitos.

Valoración da procedencia de elaborar novos instrumentos legais e normativos para o exercicio de potestade disciplinaria da Administración sanitaria autonómica sobre o persoal estatutario, tendo en conta a recente entrada en vigor da Lei 55/2003, do 16 de decembro, do «Estatuto marco do persoal estatutario dos servicios de saúde», e do Decre

to 351/2003, do 11 de setembro, de regulación da duración dos procedementos disciplinarios ó persoal estatutario que presta servicios no Servicio Galego de Saúde. Elaboración da normativa que proceda, se é o caso.

V.-Ámbito da acreditación sanitaria e da autorización e avaliación de centros sanitarios.

Continuar coa consolidación do programa especial de acreditación sanitaria de centros hospitalarios tanto públicos e concertados como privados na Comunidade Autónoma de Galicia. Realización de auditorías.

-Continuación das reunións do grupo de traballo constituído no ano 2003, para proceder á revisión e actualización dos criterios e estándares do Protocolo de Acreditación Hospitalaria.

Realización de inspeccións dos centros sanitarios públicos e privados de reproducción humana asistida.

Avaliación da carteira de servicios de tódolos centros do Sergas, tanto de Atención Primaria como de Atención Especializada, trala aprobación por parte do Sergas para as xerencias destas carteiras de servicios.

Continuar coa avaliación protocolizada dos servicios asistenciais onde se detecta unha maior problemática, de acordo co contido das reclamacións asistenciais e patrimoniais: servicios de cirurxía xeral, plástica e maxilofacial; servicios de traumatoloxía e ortopedia; servicios de reumatoloxía; servicios de urxencia.

Valoración da actividade de probas diagnósticas e terapéuticas dos hospitais e centros de especialidades da Comunidade Autónoma e análise das axendas en relación coas listas de espera.

Continuación e finalización da avaliación e estudio sanitario e económico da actividade en RMN e TAC en tódolos hospitais do Sergas e en Medtec.

Continuación e finalización da avaliación da actividade de telerradioloxía en tódolos centros do Sergas nos que estea implantada e desenvolvan esta actividade.

Inspeccións dos centros sanitarios públicos e privados en materia de extracción e implante de órganos e tecidos.

Continuación das inspeccións ás oficinas de farmacia que subministran a solución de metadona a algunhas UADs da rede de PGD.

Posta en marcha dun novo programa informático na Consellería de Sanidade de rexistro de centros, servicios e establecementos sanitarios, estudiando a súa posible utilización para a tramitación dos expedientes de autorización de centros, servicios e establecementos sanitarios mediante unha aplicación on-line.

Protocolización dos procedementos de autorización de centros, servicios e establecementos sanitarios. Continuación das reunións do grupo de traballo, constituído no ano 2003 para a elaboración dos protocolos.

Estudia-la repercusión da normativa básica de recente publicación sobre centros, servicios e establecementos sanitarios, e realizar, se fose o caso, as adaptacións necesarias da normativa da Comunidade Autónoma de Galicia. Así mesmo, nesta temática de autorización de centros, servicios e establecementos sanitarios, realizar unha revisión da normativa sanitaria vixente, con base na experiencia acumulada, con vistas ó seu perfeccionamento, e á simplificación e homoxeneización dos seus procedementos.

Programa de inspeccións de seguimento e control a diferentes centros, servicios e establecementos sanitarios da Comunidade Autónoma. Subprograma especial de promoción de legalización administrativa de centros, servicios e establecementos sanitarios da Comunidade Autónoma. Subprogramas especiais de inspeccións e controis a establecementos de óptica e de ortopedia.

Continuación dos programas anuais de inspeccións a establecementos balnearios.

(Actuación conxunta que se levará a cabo mediante programa de colaboración entre a Inspección de Servicios Sanitarios e a Inspección de Saúde Pública).

Continuación do programa especial de análise, avaliación e estudio das MIPSE producidas durante o ano 2003 nos centros hospitalarios propios e concertados co Sergas.

(Actuación incluída no marco de especial colaboración entre a Inspección de Servicios Sanitarios e a Dirección Xeral de Saúde Pública).

Programa especial de auditorías do Plan de minimización de riscos microbiolóxicos nos hospitais do Sergas.

(Actuación incluída no marco de especial colaboración entre a Inspección de Servicios Sanitarios e a Dirección Xeral de Saúde Pública).

VI.-Ámbito de saúde pública.

Plan de protección da saúde fronte a riscos específicos:

Inspección hixiénico-sanitaria do 100% dos campamentos públicos de turismo (cámpings) e campamentos xuvenís, trala autorización deles por parte das consellerías de Cultura, Comunicación Social e Turismo, e de Familia, Promoción do Emprego, Muller e Xuventude, respectivamente.

Inspección hixiénico-sanitaria do 100% dos centros escolares de infantil e primaria e dos centros de atención á primeira infancia que se encontren autorizados polas consellerías de Educación, e de Familia, Promoción do Emprego, Muller e Xuventude, respectivamente.

Inspección e control hixiénico-sanitario do 100% dos establecementos de restauración colectiva de alto e medio risco.

Inspección e control hixiénico-sanitario do 20% dos establecementos de restauración colectiva de baixo risco.

Inspección do 100% dos abastecementos públicos de prioridade alta de auga de consumo humano.

Inspección do 50% dos abastecementos públicos de prioridade media de auga de consumo humano.

Inspección do 33% dos abastecementos públicos de prioridade baixa de auga de consumo humano.

Inspección e control hixiénico-sanitario do 100% das piscinas de uso colectivo autorizadas conforme a regulamentación aplicable.

Inspección e mostraxe de auga do 100% das zonas de baño marítimas e continentais habilitadas no ano 2004, conforme o establecido no Decreto 240/2000, do 13 de setembro, polo que se regula a declaración de zonas de baño habilitadas na Comunidade Autónoma e demais normativa aplicable.

Inspección e control hixiénico-sanitario das instalacións de risco de contaminación por legionella, censadas na Dirección Xeral de Saúde Pública.

Inspección do 100% dos establecementos e servicios de praguicidas de uso ambiental e na industria alimentaria, rexistrados na Comunidade Autónoma de Galicia.

Tramitación do 100% das redes de alerta a través do sistema de intercambio rápido de información sobre productos químicos.

Plan de protección da saúde fronte a riscos xerais:

Inspección do 100% das industrias alimentarias suxeitas á obriga de inscrición no Rexistro Sanitario de Alimentos, para o control de instalacións, documental, hixiene e manipulación.

Control documental diario, sempre que teñan actividade, do 100% das salas de despezamento de carnes.

Control documental semanal do 100% dos almacéns frigoríficos de carne.

Control documental trimestral en centros de depuración e/ou expedición e cocedoiros de moluscos bivalvos.

Toma de mostras e análises de productos en mercado segundo programa de control sanitario de industrias de alimentación.

Toma de mostras e análises en depuradoras e cocedoiros, tanto de bivalvos como de crustáceos, segundo programa de control sanitario de industrias de alimentación.

Avaliación do 100% das alertas comunicadas a través do Sistema Coordinado de Intercambio Rápido de Información (SCIRI), e tramitación das que procedan.

Cumprimento do 100% das mostraxes e análises do Plan nacional de investigación e residuos.

Inspección anual de seguimento de cemiterios, tanatorios, velatorios, crematorios e empresas funerarias.