En cumprimento do disposto na normativa legal sobre rexistro e depósito de convenios colectivos de traballo, Real decreto 1040/1981, artigo 2 e), para os efectos previstos nel, faise público que no correspondente servicio desta dirección xeral se presentou, o 7 de novembro de 2002, certificación da secretaria da comisión paritaria do IV convenio colectivo único do persoal laboral da Xunta de Galicia, na que se fai consta-lo acordo acadado na xuntanza do 16 de outubro de 2002, sobre a inclusión de categorías profesionais no anexo II do convenio.

A Dirección Xeral de Relacións Laborais,

ACORDA:

Primeiro.-Ordena-la inscrición do dito acordo no rexistro correspondente desta dirección xeral.

Segundo.-Dispoñe-la súa publicación no Diario Oficial de Galicia.

Santiago de Compostela, 11 de novembro de 2002.

Pilar Cancela Rodríguez

Directora xeral de Relacións Laborais

ANEXO

A comisión paritaria do IV convenio colectivo único para o persoal laboral da Xunta de Galicia, na súa

xuntanza do 16 de outubro de 2002 (acta 3/2002) adoptou o acordo de incluír no anexo II do convenio colectivo único para o persoal laboral da Xunta de Galicia, as seguintes categorías:

Grupo III, categoría 29, categoría denominación: delineante de 1ª.

Grupo III, categoría nº 48 categoría denominación: axente auxiliar inspección tributaria.