Para os efectos previdos no artigo 9 do Decreto 2617/1966, do 20 de outubro, sométese a información pública a petición de instalación de ampliación subestación de Balaídos cunha nova posición de liña que ten as seguintes características especiais:
Peticionario: Unión Eléctrica-Fenosa, S.A.
Lugar no que se vai establece-la instalación: na subestación de Balaídos, concello de Vigo.
Finalidade da instalación: interconectar a Sub. Balaídos coa Sub. O Castro.
Características principais: nova posición de liña a 132 kV, cos seguintes aparellos: un interruptor, dous seccionadores de barras, tres transformadores de intensidade, un seccionador de liña con coitelas de posta a terra, tres transformadores de tensión capacitivo, tres autoválvulas, e tres cabezas terminais de cable. Traslado de posición de transformadores de tensión de barras.
Orzamento: 41.689.000 ptas.
O que se fai público para que poida ser examinado o proxecto da instalación nestas oficinas, sitas na Rúa Nova de Abaixo, nº 2, e formularse contra el as reclamacións, por duplicado, que se consideren oportunas, no prazo de trinta días contados a partir do seguinte ó da publicación desta resolución.
Pontevedra, 15 de maio de 1996.
Ramón Álvarez Abad
Delegado provincial de Pontevedra
9604390